2023 جىلى جەڭىلدەتىلگەن اۆتونەسيە باعدارلاماسى ىسكە قوسىلادى. بۇل تۋرالى قازاقستان دامۋ بانكىنىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
«ازاماتتارعا ىڭعايلى بولۋ، تەڭ جاعدايلاردى قامتاماسىز ەتۋ جانە حالىقتى كوبىرەك قامتۋ ءۇشىن قولدانىستاعى ەكى باعدارلامانىڭ ۇزدىك نۇسقالارى قولدانىلاتىن بولادى. بۇدان باسقا، بۇل قازاقستاندىقتارعا بىرىڭعاي جانە اشىق قاعيدالار بويىنشا وتاندىق ءوندىرىستىڭ جاڭا اۆتوموبيلدەرىن ساتىپ الۋ ءۇشىن كوبىرەك قاراجات ۇسىنا وتىرىپ، قاراجات اعىندارىن بىرىكتىرۋگە مۇمكىندىك بەرەدى. سونداي-اق ورتالىقتاندىرىلعان باقىلاۋدى قامتاماسىز ەتۋ ءۇشىن بۇدان ءارى باعدارلاما بويىنشا قاراجاتتىڭ ءبىر عانا وپەراتورى رەتىندە دامۋ بانكىن قالدىرۋ كوزدەلەدى»،—دەلىنگەن حابارلامادا.
قازىرگى ۋاقىتتا باعدارلامالارعا قاتىساتىن ەكىنشى دەڭگەيلى بانكتەر قولدانىستاعى كرەديتتەردى وتەۋدەن تۇسەتىن تولەمدەردى جيناقتاۋ پروتسەسىن جۇزەگە اسىرۋدا. رەۆولۆەرلىك تەتىك نەگىزىندە جەڭىلدىكتى قارىزدار بەرۋدى باستاۋ 2023 جىلعى قاڭتاردىڭ ەكىنشى جارتىسىندا كۇتىلەدى.
