پاۆلودار قالاسىندا كوپقاباتتى ءۇيدىڭ تەرەزەسىنەن 15 جاسار ءجاسوسپىرىم قىز قۇلاپ كەتتى، دەپ حابارلايدى «ادىرنا» ءتىلشىسى.
وقىس وقيعا 2022 جىلعى 22 جەلتوقساندا ساعات 17.00 شاماسىندا بولعان.
«وقيعا ورنىنا كەلگەن تەرگەۋ-جەدەل توبى 2007 جىلى تۋعان قىزدىڭ 8-قاباتتان قۇلاعانىن انىقتادى. جاراقات العان كامەلەتكە تولماعان اۋرۋحاناعا جاتقىزىلدى. وسى فاكتى بويىنشا قازاقستان رەسپۋبليكاسى قك 105-بابىنىڭ 3-ءبولىمى بويىنشا سوتقا دەيىنگى تەرگەۋ باستالدى. وقيعانىڭ ءمان - جايى مەن سەبەپتەرى تەرگەۋ بارىسىندا انىقتالاتىن بولادى»،— دەدى پاۆلودار وبلىسى پوليتسيا دەپارتامەنتىنىڭ ءباسپاسوز قىزمەتى.
ال وڭىرلىك دەنساۋلىق ساقتاۋ باسقارماسى ءجاسوسپىرىمنىڭ بىرنەشە اۋىر جاراقات العانىن جەتكىزدى. قازىر ول جانساقتاۋ بولىمىندە جاتىر.
«زارداپ شەگۋشىنىڭ ميى اۋىر جاراقات الىپ، ميدىڭ ءىسىنۋى، جۇلىننىڭ زاقىمدانۋى بايقالدى، سونداي-اق دەنە بىرنەشە جەردەن سىنعان. قىز ەكىنشى دارەجەلى تراۆماتيكالىق شوك الدى. گەموديناميكا جاساندى اپپاراتتان كەيىن تۇراقتاندىرىلدى»،- دەدى ماماندار.
