Pavlodar qalasynda kópqabatty úıdiń terezesinen 15 jasar jasóspirim qyz qulap ketti, dep habarlaıdy «Adyrna» tilshisi.
Oqys oqıǵa 2022 jylǵy 22 jeltoqsanda saǵat 17.00 shamasynda bolǵan.
«Oqıǵa ornyna kelgen tergeý-jedel toby 2007 jyly týǵan qyzdyń 8-qabattan qulaǵanyn anyqtady. Jaraqat alǵan kámeletke tolmaǵan aýrýhanaǵa jatqyzyldy. Osy fakti boıynsha Qazaqstan Respýblıkasy QK 105-babynyń 3-bólimi boıynsha sotqa deıingi tergeý bastaldy. Oqıǵanyń mán - jaıy men sebepteri tergeý barysynda anyqtalatyn bolady»,— dedi Pavlodar oblysy Polıııa departamentiniń baspasóz qyzmeti.
Al Óńirlik densaýlyq saqtaý basqarmasy jasóspirimniń birneshe aýyr jaraqat alǵanyn jetkizdi. Qazir ol jansaqtaý bóliminde jatyr.
«Zardap shegýshiniń mıy aýyr jaraqat alyp, mıdyń isinýi, julynnyń zaqymdanýy baıqaldy, sondaı-aq dene birneshe jerden synǵan. Qyz ekinshi dárejeli travmatıkalyq shok aldy. Gemodınamıka jasandy apparattan keıin turaqtandyryldy»,- dedi mamandar.
