بۇگىن شىمكەنتتە سارىاعاش اۋدانى، اباي اۋىلىنداعى 7 جاسار بالانى زورلاۋ ءىسى بويىنشا سوت ۇكىمى شىقتى. سۋديا ساميددين تەمىراليەۆتىڭ شەشىمىمەن 2002 جىلى تۋعان ازامات امانگەلدى قىلمىستىق كودەكستىڭ 121-بابى بويىنشا ("سەكسۋالدىق سيپاتتاعى زورلىق-زومبىلىق ارەكەتتەر") ايىپتى دەپ تانىلىپ، 7 جىلعا باس بوستاندىعىنان ايىرىلدى. جازاسىن كامەلەتكە تولماعاندارعا ارنالعان تۇزەۋ مەكەمەسىندە وتەيدى.
تۇركىستان وبلىسى، اباي اۋىلىندا 7 جاسار بالانى زورلاۋ بويىنشا سوت ءىسى شىمكەنتتە قىركۇيەكتىڭ سوڭىندا باستالعان بولاتىن. وقۋشىنىڭ زورلانعانى تۋرالى ەڭ العاش اجەسى حابارلاعان بولاتىن. وسى ءىس بويىنشا بىرنەشە جوعارعى سىنىپ وقۋشىلارى كۇدىكتى رەتىندە تانىلدى. بالانىڭ زورلانعانىن دالەلدەۋ ءۇشىن شەت ەلدىڭ ساراپشىلارى 14 زەرتتەۋ وتكىزىپ، تەك بەس ايدان سوڭ عانا زورلاۋ دەرەگى راستالدى. 12 القابي قاتىسقان سوت پروتسەسى جابىق تۇردە ءوتتى. باسىندا ءىس بويىنشا ءتورت كۇدىكتى بولعان، الايدا ونىڭ ۇشەۋىنە قاتىستى قىلمىستىق تەرگەۋ توقتاتىلدى. سەبەبى ولاردىڭ جاسى سول كەزدە 14-كە تولماعان.
"ادىرنا" ۇلتتىق پورتالى
