Búgin Shymkentte Saryaǵash aýdany, Abaı aýylyndaǵy 7 jasar balany zorlaý isi boıynsha sot úkimi shyqty. Sýdıa Samıddın Temirálıevtiń sheshimimen 2002 jyly týǵan Azamat Amangeldi Qylmystyq kodekstiń 121-baby boıynsha ("Seksýaldyq sıpattaǵy zorlyq-zombylyq áreketter") aıypty dep tanylyp, 7 jylǵa bas bostandyǵynan aıyryldy. Jazasyn kámeletke tolmaǵandarǵa arnalǵan túzeý mekemesinde óteıdi.
Túrkistan oblysy, Abaı aýylynda 7 jasar balany zorlaý boıynsha sot isi Shymkentte qyrkúıektiń sońynda bastalǵan bolatyn. Oqýshynyń zorlanǵany týraly eń alǵash ájesi habarlaǵan bolatyn. Osy is boıynsha birneshe joǵarǵy synyp oqýshylary kúdikti retinde tanyldy. Balanyń zorlanǵanyn dáleldeý úshin shet eldiń sarapshylary 14 zertteý ótkizip, tek bes aıdan soń ǵana zorlaý deregi rastaldy. 12 alqabı qatysqan sot proesi jabyq túrde ótti. Basynda is boıynsha tórt kúdikti bolǵan, alaıda onyń úsheýine qatysty qylmystyq tergeý toqtatyldy. Sebebi olardyń jasy sol kezde 14-ke tolmaǵan.
"Adyrna" ulttyq portaly
