"سيريادا بىرنەشە وتانداسىمىز ءولىم جازاسىنا كەسىلگەن". ۇقك

557

سيرياعا بارعاننان ادام قايتا المايدى. قاشپاق بولعاندار قاتاڭ جازالاندى، كەيبىرىن ءولىم جازاسىنا كەسكەن. ۇقك-ءنىڭ مالىمدەۋىنشە، سوعىس قاشامىز دەگەن بىرنەشە قازاقستاندىق ءولىم جازاسىنا كەسىلگەن

قازاقستاندىقتاردى سيريادان ەۆاكۋاتسيالاۋعا قاتىستى سىرتقى ىستەر مينيسترلىگىندە وتكەن بريفينگ كەزىندە ۇقك دەپارتامەنت باسشىسى باقىتبەك راحىمبەرديەۆ وسىنداي مالىمدەمە جاسادى.

رەسمي تۇلعانىڭ ايتۋىنشا، سيرياعا تارتۋ جۇمىستارى مەشىتتەردە ەمەس، عالامتور مەن الەۋمەتتىك جەلىلەر ارقىلى شەتەلدەن جۇرگىزىلگەن.

"سيرياعا تارتۋشىلار وتانداستارىمىزبەن ينتەرنەت جانە الەۋمەتتىك جەلى ارقىلى سويلەسە باستاعان. ول جەردەگى ءومىردى ناسيحاتتاپ، ءبارى ادىلەتتى ەكەنىن ايتىپ، ءدىني زاڭداردىڭ بەرىك ساقتالاتىنىن العا تارتقان. وسىلايشا، ادامداردى قىزىقتىرعان", - دەيدى باقىتبەك راحىمبەرديەۆ.

وسى ەرتەگىگە سەنىپ سيرياعا بارعان ادامدار وندا مۇسىلماندار توپتارعا ءبولىنىپ، ءبىر-بىرىمەن سوعىسىپ جاتقانىن،  ادىلەتتىلىكتىڭ جوق ەكەنىن كورگەن.

"ول جەرگە بارعان سوڭ، قايتۋ مۇمكىن ەمەس. بىزدە بىرنەشە وتانداسىمىزدى قاشۋعا تالپىنىسى ءۇشىن ءولىم جازاسىنا كەسكەنى تۋرالى اقپارات بار", - دەدى ۇقك دەپارتامەنت باسشىسى.

باقىتبەك راحىمبەرديەۆت “ومىرلىك تاجىريبەسى، ءبىلىمى جوق جاستار وسىنداي وتىرىككە سەنىپ قالادى» دەدى.

قازىر قاۋىپسىزدىك ماقساتىندا الەۋمەتتىك جەلىلەر تەكسەرىلەدى. سونىڭ ناتيجەسىندە "جۇزدەگەن ادامنىڭ" كوزقاراسىن وزگەرتكەن.

ۇقك سوڭعى ەكى جارىم جىلدا سوعىس ايماعىنا قازاقستاندىقتاردىڭ كەتپەگەنىن مالىمدەدى.

ەسكە سالا كەتسەك، 6-شى  قاڭتار كۇنى نۇرسۇلتان نازارباەۆ سيريادان  47 قازاقستاندىقتىڭ شىعارىلعانىن مالىمدەگەن ەدى.

سونىڭ ىشىندەگى جەتى ازامات «تەرروريزمگە قاتىسى بار» دەگەن كۇدىككە ءىلىندى.

«ادىرنا» ۇلتتىق پورتالى

پىكىرلەر