Sırııaǵa barǵannan adam qaıta almaıdy. Qashpaq bolǵandar qatań jazalandy, keıbirin ólim jazasyna kesken. UQK-niń málimdeýinshe, soǵys qashamyz degen birneshe qazaqstandyq ólim jazasyna kesilgen
Qazaqstandyqtardy Sırııadan evakýaııalaýǵa qatysty Syrtqy ister mınıstrliginde ótken brıfıng kezinde UQK departament basshysy Baqytbek Rahymberdıev osyndaı málimdeme jasady.
Resmı tulǵanyń aıtýynsha, Sırııaǵa tartý jumystary meshitterde emes, ǵalamtor men áleýmettik jeliler arqyly shetelden júrgizilgen.
"Sırııaǵa tartýshylar otandastarymyzben ınternet jáne áleýmettik jeli arqyly sóılese bastaǵan. Ol jerdegi ómirdi nasıhattap, bári ádiletti ekenin aıtyp, dinı zańdardyń berik saqtalatynyn alǵa tartqan. Osylaısha, adamdardy qyzyqtyrǵan", - deıdi Baqytbek Rahymberdıev.
Osy ertegige senip Sırııaǵa barǵan adamdar onda musylmandar toptarǵa bólinip, bir-birimen soǵysyp jatqanyn, ádilettiliktiń joq ekenin kórgen.
"Ol jerge barǵan soń, qaıtý múmkin emes. Bizde birneshe otandasymyzdy qashýǵa talpynysy úshin ólim jazasyna keskeni týraly aqparat bar", - dedi UQK departament basshysy.
Baqytbek Rahymberdıevt “ómirlik tájirıbesi, bilimi joq jastar osyndaı ótirikke senip qalady» dedi.
Qazir qaýipsizdik maqsatynda áleýmettik jeliler tekseriledi. Sonyń nátıjesinde "júzdegen adamnyń" kózqarasyn ózgertken.
UQK sońǵy eki jarym jylda soǵys aımaǵyna qazaqstandyqtardyń ketpegenin málimdedi.
Eske sala ketsek, 6-shy qańtar kúni Nursultan Nazarbaev Sırııadan 47 qazaqstandyqtyń shyǵarylǵanyn málimdegen edi.
Sonyń ishindegi jeti azamat «terrorızmge qatysy bar» degen kúdikke ilindi.
«Adyrna» ulttyq portaly
