Qazaqstan Fransiiada jürgen eks-bankir Mūhtar Äbliazovtı elge ekstradisiialau boiynşa jūmysty jalǧastyryp jatyr. Būl turaly QR Bas prokurorynyŋ orynbasary Jandos Ömıräliev Mūhtar Äbliazovty ekstradisiialau turaly sūraqtarǧa jauap berdı, dep habarlaidy “Adyrna” ūlttyq portaly.
«Eks-bankir Mūhtar Äbliazov Qazaqstanǧa qaitaryla ma? Fransiia men Qazaqstan arasynda sottalǧandardy ekstradisiialau turaly şart jasalǧan ba?» degen sūraq qoidy tılşıler spikerge Mäjılıs kuluarynda.
«Özderıŋızge belgılı, Qazaqstanda qūzyrly organdar M. Äbliazovqa qatysty ekı qylmystyq ıs qozǧaǧan. Bıreuı - BTA bank qarajatyn jymqyru faktısı, ekınşısı – E. Tätışevtıŋ ölımıne qatysty. Ekı qylmystyq ıs boiynşa da aiyptau ükımı küşıne engen soŋ tiıstı ekstradisiia tärtıbımen Fransiianyŋ ökılettı organdaryna sūranys hat joldanǧan. Olardyŋ qaralu satysy ärtürlı merzımde, qazır Fransiia M. Äbliazovqa bassauǧa küşın joidy. Osy jäne qoldanylyp jatqan basqa da şaralar septıgın tigızedı dep oilaimyn. Sūranys hattary bızdıŋ qataŋ baqylauymyzda, bız oǧan bar küşımızdı salamyz», - dedı J. Ömıräliev.Sondai-aq, ol būl - Qazaqstannyŋ ǧana emes, şeteldık qūqyq qorǧau organdarynyŋ da jūmysynyŋ nätijesı ekenın de aita kettı. Erteŋ Bas prokuratura M. Äbliazov ısı boiynşa arnaiy brifing ötkızbek. Eske salaiyq, 9 jeltoqsanda Fransiia Mūhtar Äbliazovke saiasi bassauǧa boludan bas tartty. Al Amerika alqabiler soty aqşa ūrlau faktısı boiynşa Mūhtar Äbliazovqa $218 mln aiyppūl saldy.
Ūqsas jaŋalyqtar
