اباي وبلىسىندا اياق كيىمگە تاپسىرىس بەرگەن ايەلگە ءبىر قوراپ ەسىرتكى كەلگەن. بۇل تۋرالى Polisia.kz جازدى، دەپ حابارلايدى «ادىرنا» ءتىلشىسى.
«2 جەلتوقساندا ءۇرجار پوليتسيا ءبولىمىنىڭ “102” جەدەل ارناسىنا 59 جاستاعى ايەلدەن حابارلاما كەلىپ ءتۇستى. ول 30 قاراشا كۇنى ءبىر جۇپ اياق كيىمگە تاپسىرىس بەرگەنىن، الايدا سول كۇنى تاپسىرىستى العان كەزدە اياق كيىمنىڭ ورنىندا وسىمدىك تەكتەس ەرەكشە ءيىسى بار جاسىل ءتۇستى زات بولعانىن ايتتى. كەيىنىرەك ايەلگە قوراپتىڭ يەسى حابارلاسىپ، كۋرەردىڭ سالەمدەمەلەردى شاتاستىرىپ العانىن مالىمدەگەن. ايەل ونىمەن قوراپتاردى اۋىستىرۋعا كەلىسەدى، ال ءتارتىپ ساقشىلارى بەلگىسىز زاتتىڭ يەسىن ۇستاۋ وپەراتسياسىنا كىرىسكەن. جەدەل-ىزدەستىرۋ ءىس-شارالارىن وتكىزۋ بارىسىندا پوليتسيا قىزمەتكەرلەرى اۋدان ورتالىعىندا 34 جاستاعى جۇمىسسىز ەر ادام ۇستالدى»،—دەلىنگەن حابارلامادا.
كۇدىكتىنىڭ ءۇيىن ءتىنتۋ بارىسىندا وسىمدىك تەكتەس جانە ەرەكشە ءيىسى بار سكوتچپەن ورالعان 4 ۇقساس قوراپ تابىلىپ، تاركىلەنەدى. ساراپتاما كورسەتكەندەي، زەرتتەۋگە ۇسىنىلعان زات سالماعى 72 كەلىدەن اساتىن كەپتىرىلگەن ماريحۋانا ەكەنى انىقتالدى.
قازىرگى ۋاقىتتا وسى قىلمىسقا قاتىسى بار سىبايلاستاردى انىقتاۋ بويىنشا جەدەل-ىزدەستىرۋ ءىس-شارالارى جۇرگىزىلىپ جاتىر. اتالعان فاكتى بويىنشا قر قك-ءنىڭ 297-بابىنىڭ 1-بولىگى بويىنشا سوتقا دەيىنگى تەرگەپ-تەكسەرۋ باستالدى. كۇدىكتى ۋاقىتشا ۇستاۋ يزولياتورىنا قامالدى.
