Abaı oblysynda aıaq kıimge tapsyrys bergen áıelge bir qorap esirtki keldi

3892
Adyrna.kz Telegram

Abaı oblysynda aıaq kıimge tapsyrys bergen áıelge bir qorap esirtki kelgen. Bul týraly Polisia.kz jazdy, dep habarlaıdy «Adyrna» tilshisi.

«2 jeltoqsanda Úrjar polıııa bóliminiń “102” jedel arnasyna 59 jastaǵy áıelden habarlama kelip tústi. Ol 30 qarasha kúni bir jup aıaq kıimge tapsyrys bergenin, alaıda sol kúni tapsyrysty alǵan kezde aıaq kıimniń ornynda ósimdik tektes erekshe ıisi bar jasyl tústi zat bolǵanyn aıtty. Keıinirek áıelge qoraptyń ıesi habarlasyp, kýrerdiń sálemdemelerdi shatastyryp alǵanyn málimdegen. Áıel onymen qoraptardy aýystyrýǵa kelisedi, al tártip saqshylary belgisiz zattyń ıesin ustaý operaııasyna kirisken. Jedel-izdestirý is-sharalaryn ótkizý barysynda polıııa qyzmetkerleri aýdan ortalyǵynda 34 jastaǵy jumyssyz er adam ustaldy»,—delingen habarlamada.

Kúdiktiniń úıin tintý barysynda ósimdik tektes jáne erekshe ıisi bar skotchpen oralǵan 4 uqsas qorap tabylyp, tárkilenedi. Saraptama kórsetkendeı, zertteýge usynylǵan zat salmaǵy 72 keliden asatyn keptirilgen marıhýana ekeni anyqtaldy.

Qazirgi ýaqytta osy qylmysqa qatysy bar sybaılastardy anyqtaý boıynsha jedel-izdestirý is-sharalary júrgizilip jatyr. Atalǵan fakti boıynsha QR QK-niń 297-babynyń 1-bóligi boıynsha sotqa deıingi tergep-tekserý bastaldy. Kúdikti ýaqytsha ustaý ızolıatoryna qamaldy.

Pikirler