"قازاگروقارجى" فيليالىنىڭ بۇرىنعى باسشىسى ءوز-وزىنە قول جۇمسادى

2124
Adyrna.kz Telegram

الماتى وبلىسىنداعى "قازاگروقارجى" فيليالىنىڭ بۇرىنعى توپ-مەنەدجەرى ەرجان ۇستاەۆ كولىگىندە ءوز-وزىنە قول جۇمسادى. بۇل تۋرالى “ۆرەميا” باسىلىمى جازدى، دەپ حابارلايدى ”ادىرنا” ۇلتتىق پورتالى. 

باسىلىمنىڭ جازۋىنشا، ونىڭ سۋيتسيد جاساۋىنا قىزمەتىنەن كەتكەن سوڭ تۋىنداعان قارجىلىق قيىندىقتار سەبەپ بولۋى مۇمكىن.

“تالدىقورعان قالاسىنداعى "كوكتەم" شاعىن اۋدانىندا ءوتىپ بارا جاتقاندار ساعات 12:30-دا ەرجان ۇستاەۆتىڭ  جانسىز دەنەسىن تاۋىپ العان. الماتى وبلىسىنداعى "قازاگروقارجى" فيليالىنىڭ بۇرىنعى توپ-مەنەدجەرى بولعان ازامات الدىن الا بولجامدارعا سايكەس وزىنىڭ Toyota Hail Lux كولىگىندە تاپانشامەن ءوزىن اتىپ ولتىرگەن”،- دەپ جازىلعان.

مارقۇمدى "قازاگروقارجى" جۇيەسىنەن جۇمىستان شىعارىلعاننان كەيىن باستالعان قارجىلىق قيىندىقتارعا توتەپ بەرە المادى دەگەن دە بولجامدار بار.

قازىرگى ۋاقىتتا سۋيتسيدكە قاتىستى سوتقا دەيىنگى تەرگەۋ باستالدى.

ايتا كەتەيىك، ۇستاەۆ 4 قىركۇيەكتە 47 جاسقا تولعان.

پىكىرلەر