Almaty oblysyndaǧy "QazAgroQarjy" filialynyŋ būrynǧy top-menedjerı Erjan Ūstaev kölıgınde öz-özıne qol jūmsady. Būl turaly “Vremia” basylymy jazdy, dep habarlaidy ”Adyrna” ūlttyq portaly.
Basylymnyŋ jazuynşa, onyŋ suisid jasauyna qyzmetınen ketken soŋ tuyndaǧan qarjylyq qiyndyqtar sebep boluy mümkın.
“Taldyqorǧan qalasyndaǧy "Köktem" şaǧyn audanynda ötıp bara jatqandar saǧat 12:30-da Erjan Ūstaevtyŋ jansyz denesın tauyp alǧan. Almaty oblysyndaǧy "QazAgroQarjy" filialynyŋ būrynǧy top-menedjerı bolǧan azamat aldyn ala boljamdarǧa säikes özınıŋ Toyota Hail Lux kölıgınde tapanşamen özın atyp öltırgen”,- dep jazylǧan.Marqūmdy "QazAgroQarjy" jüiesınen jūmystan şyǧarylǧannan keiın bastalǧan qarjylyq qiyndyqtarǧa tötep bere almady degen de boljamdar bar. Qazırgı uaqytta suisidke qatysty sotqa deiıngı tergeu bastaldy. Aita keteiık, Ūstaev 4 qyrküiekte 47 jasqa tolǧan.
Ūqsas jaŋalyqtar
