قازاق ەلىندەگى الەۋمەتتىك پروتسەستەردىڭ ورتاسىندا جۇرگەن جۋرناليست، قازاقشىل ازامات جولىمبەت ماكىش مەملەكەتتىڭ نەلىكتەن كەيىن كەتىپ، دامىماي جاتقانىنا قاتىستى پىكىر ءبىلدىردى. اۆتور ءوزىنىڭ جىلدار بويىنا جيناعان تاجىريبەسىنە سۇيەنە وتىرىپ، اكىمدەردىڭ جەڭ ۇشىنان جالعاسقان جەمقورلىقتارىن ءسوز ەتەدى. ەل كوشىن العا سۇيرەۋدى ويلاماي، ءوز قىزمەتىن پايدالانىپ، باق-داۋلەتىن ارتتىرۋدى كوزدەيتىندەرىن اشىق ايتادى.
- قازاقستاندا ءبىر جەرگە اكىم بولىپ، باسشى بولىپ كەلىپ جاتقاندارعا قاراساڭ شە، بىرەۋى ءبىر مىقتىنىڭ، ءبىر وليگارحتىڭ تۋىسى نە دوسى بولىپ شىعا كەلەدى. تامىر-تانىستار باسقاراتىن ەلگە اينالىپ، سودان ءوسىپ-ونبەي جاتىرمىز. ەڭ اقشالى جەرگە ءوز ادامدارىن تارتىپ، ءبىر-ءبىرىنىڭ كوڭىلىن قيماي جۇرەدى سوسىن. ونداي جەردە مىقتى ماماننىڭ ءسوزى جۇرمەيدى، جاڭاعىداي تامىر-تانىسى بيلەيدى ءبارىن. ولار ءبىر-ءبىرىنىڭ سەنىمىنە كىرىپ، ءبىر-ءبىرىنىڭ ءتىلىن تابادى، اقشا تاپسا بولىسەدى. بىرەۋى ءبىر جەرگە باستىق بولىپ بارسا، كوكەلەرى اقشالى جەردى سوعان سەنىپ تاپسىرعانداي بولىپ جاتادى.. قازاقستاننىڭ ساباق ءجىپ تە شىعارماي توقىراپ تۇرعانى دا سودان... - دەدى اۆتور.
الەمدەگى الدىڭعى قاتارلى كوپ مەملەكەتتەردىڭ دامۋ تاريحىنا نازار سالساق، ولار، ەڭ الدىمەن، كوررۋپتسيانىڭ تامىرىنا بالتا شاپقان. اۆتور دا ۇلتىنا، ار-ۇجدانىنا ادال ازاماتتار ەل ىسىنە ارالاسقاندا عانا قازاق ەلىنىڭ وركەندەيتىنىنە سەنىمدى.
"ادىرنا" ۇلتتىق پورتالى
