اباي اتىنداعى رەسپۋبليكالىق مامانداندىرىلعان دارىندى بالالارعا ارنالعان قازاق ءتىلى مەن ادەبيەتىن تەرەڭدەتە وقىتاتىن ورتا مەكتەپ-ينتەرناتىنىڭ ۇيىمداستىرۋىمەن، ASSYLTAS قوعامدىق قورىنىڭ دەمەۋشىلىگىمەن 13 جەلتوقسان كۇنى جالپى ءبىلىم بەرۋ ۇيىمدارىنىڭ وقۋشىلارى اراسىندا قازاق حالقىنىڭ ۇلتتىق ونەرى - ايتىس ونەرىن ۇلىقتاۋ، جاس تالانتتاردىڭ جۇلدىزىن جاعۋ ماقساتىندا “مەن جاستارعا سەنەمىن” تاقىرىبىندا بيىل التىنشى مارتە رەسپۋبليكالىق اقىندار ايتىسى وتكىزىلەدى.
بيىلعى ولەڭ جانە ونەر دوداسىندا ەلىمىزدىڭ بارلىق وڭىرلەرىندەگى جەلىلىك اباي مەكتەپتەرىنەن، ونىڭ ىشىندە 8 وبلىس، 3 رەسپۋبليكالىق ماڭىزى بار قالالارىنان 20 جاس اقىن باق سىناماقشى.
جۇيرىكتەردىڭ ىشىنەن جورتا شىققان تۇلپارلارعا دەمەۋشىلەردەن قارجىلاي جۇلدەلەر تاعايىندالعان.
ۇزدىك ونەر كورسەتكەندەر
1-ورىن،
2- ورىن،
3-ورىن جانە
ارنايى جۇلدە، ىنتىلاندىرۋ سىيلىعى،
العىس حاتتارمەن ماراپاتتالادى.
وقۋشىلاردىڭ رەسپۋبليكالىق ايتىسى 13 جەلتوقسان كۇنى ساعات 9:00-دە باستالادى.
وتەتىن ورنى: اباي اتىنداعى دارىندى بالالارعا ارنالعان مەكتەپ-ينتەرناتى. الماتى قالاسى، ميتين كوشەسى، 6
“ادىرنا” ۇلتتىق پورتالى
