«استانا» تەلەارناسىنىڭ حابارلاۋىنا قاراعاندا استاناداعى كوپقاباتتى ۇيلەردىڭ 99 پايىزىندا گاز قوندىرعىلارى تالاپقا ساي ەمەس. بۇل تۋرالى تاۋەلسىز گاز قاۋىمداستىعىنىڭ ساراپشىلارى ايتتى.
تەلەارنانىڭ مالىمەتىنشە، كوميسسيا ورتالىقتاندىرىلعان گازبەن جابدىقتالعان بارلىق تۇرعىن ءۇي كەشەندەرىنە تەكسەرىس جۇرگىزەدى. ساراپشىلاردىڭ، تۇرعىن ءۇي اۋلاسىندا گازدان ەش قاۋىپ بولماعانمەن، باسپاناداعى جاعدايدى ەشكىم باقىلاپ جاتقان جوق. وسىعان بايلانىستى ولار تەز ارادا تەكسەرىس جۇرگىزىپ، قۇبىرلاردى اۋىستىرۋ قاجەتتىگىن ەسكەرتتى. ونى تۇرعىندار ءوز قالتاسىنان تولەۋى ءتيىس.
“بۇل ماسەلە بۇرىننان بەرى كەلە جاتقان ەسكى تۇرعىن ۇيلەرگە قاتىستى. بارلىق باقىلاۋدى زاڭ اياسىندا جۇزەگە اسىرۋ ءۇشىن الدىمەن قايتا قۇرۋ جوباسىن جاساۋ قاجەت. ناقتى سمەتالىق قۇنى شىققان كەزدە، ارى قاراي تۇرعىندار وزدەرى شەشەدى. بىلتىر قالالىق iKomek قىزمەتىنە گاز تاراۋىنا قاتىستى 200-گە جۋىق شاعىم كەلىپ تۇسكەن. تۇرمىستىق گاز 1000-نان اسا تۇرعىن ۇيگە جەتكىزىلدى. بۇل 80 مىڭ پاتەر. ولاردىڭ قاۋىپسىزدىك تالاپتارىن تەكسەرۋ ءۇشىن اكىمدىك ارنايى تاپسىرما بەرىپتى”، – دەيدى تاۋەلسىز گاز قاۋىمداستىعىنىڭ وكىلى فەدور موردۆينكين.
“بىلىكتى مامانداردىڭ جوقتىعىنا بايلانىستى،تەكسەرىستەر بويىنشا، گاز جەلىسىنىڭ قۇرىلىسى بويىنشا، گاز جەلىسىنىڭ قۇرىلىسىنا بايلانىستى ەكى قۇرىلىس مونتاجدى ۇيىمى وزدەرىنىڭ جۇمىس ىستەۋ ليتسەنزياسىنان جارتى جىلعا توقتاتىلدى. ەلوردانىڭ بارلىق جەكەمەنشىك سەكتورى گاز بوشكەسىن پايدالانادى. قالاعا بىرنەشە كومپانيا قىزمەت كورسەتەدى. 4 گاز تولتىرۋ ستانتسياسى جانە 5 پۋنكت رەسمي تۇردە جۇمىس ىستەيدى. وتكەن جىلى ولاردىڭ جۇمىسىندا 180 زاڭبۇزۋشىلىق انىقتالعان”، – دەيدى ءوز كەزەگىندە استانا قالالىق ورتا ساپاسى جانە باقىلاۋ باسقارماسىنىڭ ءبولىم باسشىسى ماقسات ابىلوۆ.
ەستەرىڭىزگە سالا كەتەيىك، رەسەيدىڭ ماگنيتوگورسك قالاسىندا جەلتوقساننىڭ 31-ءى كۇنى تۇرمىستىق گاز جارىلىپ، 39 ادام قازا تاپقان بولاتىن. ماگنيتوگورسكىدەگى قايعىلى وقيعادان كەيىن ەلوردانىڭ اكىمى باقىت سۇلتانوۆ قالاداعى گاز قوندىرعىدارى مەن قۇبىرلارىن تولىق تەكسەرۋدى تاپسىردى.
"ادىرنا" ۇلتتىق پورتالى
