Astanadaǵy  úılerdiń 99 paıyzynyń gaz qondyrǵylary talapqa saı emes

1981
Adyrna.kz Telegram

«Astana» telearnasynyń habarlaýyna qaraǵanda Astanadaǵy kópqabatty úılerdiń 99 paıyzynda gaz qondyrǵylary talapqa saı emes. Bul týraly táýelsiz gaz qaýymdastyǵynyń sarapshylary aıtty.

Telearnanyń málimetinshe, komıssııa ortalyqtandyrylǵan gazben jabdyqtalǵan barlyq turǵyn úı keshenderine tekseris júrgizedi. Sarapshylardyń, turǵyn úı aýlasynda gazdan esh qaýip bolmaǵanmen, baspanadaǵy jaǵdaıdy eshkim baqylap jatqan joq. Osyǵan baılanysty olar tez arada tekseris júrgizip, qubyrlardy aýystyrý qajettigin eskertti. Ony turǵyndar óz qaltasynan tóleýi tıis.

“Bul másele burynnan beri kele jatqan eski turǵyn úılerge qatysty. Barlyq baqylaýdy zań aıasynda júzege asyrý úshin aldymen qaıta qurý jobasyn jasaý qajet. Naqty smetalyq quny shyqqan kezde, ary qaraı turǵyndar ózderi sheshedi. Byltyr qalalyq iKomek qyzmetine gaz taraýyna qatysty 200-ge jýyq shaǵym kelip túsken. Turmystyq gaz 1000-nan asa turǵyn úıge jetkizildi. Bul 80 myń páter. Olardyń qaýipsizdik talaptaryn tekserý úshin ákimdik arnaıy tapsyrma beripti”, – deıdi Táýelsiz gaz qaýymdastyǵynyń ókili Fedor Mordvınkın.

“Bilikti mamandardyń joqtyǵyna baılanysty,tekserister boıynsha, gaz jelisiniń qurylysy boıynsha, gaz jelisiniń qurylysyna baılanysty eki qurylys montajdy uıymy ózderiniń jumys isteý lıenzııasynan jarty jylǵa toqtatyldy. Elordanyń barlyq jekemenshik sektory gaz bóshkesin paıdalanady. Qalaǵa birneshe kompanııa qyzmet kórsetedi. 4 gaz toltyrý stanııasy jáne 5 pýnkt resmı túrde jumys isteıdi. Ótken jyly olardyń jumysynda 180 zańbuzýshylyq anyqtalǵan”, – deıdi óz kezeginde Astana qalalyq Orta sapasy jáne baqylaý basqarmasynyń bólim basshysy Maqsat Abylov.

Esterińizge sala keteıik, Reseıdiń Magnıtogorsk qalasynda  jeltoqsannyń 31-i kúni turmystyq gaz jarylyp, 39 adam qaza tapqan bolatyn. Magnıtogorskidegi qaıǵyly oqıǵadan keıin elordanyń  ákimi Baqyt Sultanov qaladaǵy gaz qondyrǵydary men qubyrlaryn tolyq tekserýdi tapsyrdy.

"Adyrna" ulttyq portaly

Pikirler