Amerikada İlon Masktyŋ miǧa arnalǧan chipterdı öndıretın Neuralink kompaniiasyn tergeu bastaldy. Memlekettık deŋgeide tergeu jürgızetın qūrylymǧa kompaniia qyzmetkerlerınıŋ januarlardy azaptap, asa auyr synaq jürgızıp jürgenderı haqqynda habarlama kelıp tüsken. Mūny "Adyrna" ūlttyq portaly mūny Reuters agenttıgıne sılteme körsete otyryp habarlaidy.
Qazır tergeu ısterın AQŞ-tyŋ auyl şaruaşylyq ministrlıgınıŋ ökılı, bas instpektor, jürgızıp jatyr.
Tergeuşıler Neuralink-tyŋ ondaǧan qūjatyn şolyp şyǧyp, kompaniiada būryn qyzmet ıstegen 20 mamandy sūraq astyna alǧan. Aqyrynda, januarlardy beimaza küige tüsırgen mūndai zertteu jūmysyna qyzmetkerlerdıŋ köŋılı tolmaidyǧy baǧamdaldy.
Mūnymen qosa, İlon Masktyŋ jyldam nätijege qol jetkızu jolynda kompaniia mamandaryn ūdaiy jan alqymnan alatyny da mälım boldy. Agenttıktıŋ mälımetınşe, basşynyŋ mūndai "küigelektıgınıŋ" soŋy sätsız synamalar men sebepsız jan-januarlardyŋ ölımıne alyp kelgen.
2018 jyldan berı Neuralink jürgızılgen zertteulerdıŋ kesırınen bır jarym myŋ januar ajal qūşqan. Degenmen, tergeuşıler būl ıstıŋ aiaǧyna barǧanşa derekterdıŋ üstemelep artatynyna senımdı.
Äzırge tergeuge qarsy kompaniia basşylyǧynan, İlon Masktyŋ özınen qandai da bır resmi jauap joq.
"Adyrna" ūlttyq portaly
Ūqsas jaŋalyqtar
