رەسەيدىڭ ءسىبىر ايماعىنداعى نيجنەۆارتوۆسك قالاسىندا گاز باللونى جارىلىپ، 6 ادام اجال قۇشتى، دەپ حابارلايدى «ادىرنا» ءتىلشىسى «حابار 24»-كە سىلتەمە جاساپ.
قايعىلى وقيعا 5 قاباتتى تۇرعىن ۇيدە بولعان. تاعى 7 كىسى جاراقات الدى. دارىگەرلەر بىرەۋىنىڭ ءحالىن اۋىر دەپ باعالادى.
جارىلىس ورنىندا قۇتقارۋشىلار جۇمىس ىستەپ جاتىر. الدىن الا اقپارات بويىنشا تۇرمىستىق گاز باللونى پاتەردەگى جوندەۋ جۇمىسى كەزىندە پايدالانىلعان. 52 تۇرعىن قاۋىپسىز جاققا كوشىرىلدى.
