قالا اكىمى م.ايتەنوۆتىڭ تاپسىرماسىنا سايكەس، اكىمشىلىك-ىسكەرلىك ورتالىعىندا 9 قاباتتى ۇيلەردىڭ قۇرىلىس جۇمىستارى قارقىن العان.
بۇعان دەيىن No 9,10,11,12 تۇرعىن ۇيلەردىڭ قۇرىلىسى مەرزىمىندە اياقتالماعانى ءۇشىن اكىمدىك تاراپىنان جاۋاپتى مەردىگەر مەكەمەلەرگە ەسكەرتۋلەر بەرىلىپ، ايىپپۇل سالىنعان بولاتىن. بۇگىندە ولقىلىقتىق ورنى تولتىرىلىپ، جۇمىستار اياقتالۋعا جاقىن.
قالا باسشىسى اتالعان ورتالىقتاعى بىرنەشە نىساندا قۇرىلىس بارىسىن تەكسەرىپ، ونىڭ ىشىندە اكىمشىلىك-ىسكەرلىك ورتالىقتا بوي كوتەرگەن 9 قاباتتى No 13,14,15,16 تۇرعىن ۇيلەر قۇرىلىسى مەن اتالعان ايماقتىڭ سولتۇستىك بەتكەيىندەگى 21,5 گا جەردە بوي تىكتەيتىن جاڭا كوپقاباتتى ۇيلەردىڭ ينجەنەرلىك جۇيەلەرىن تارتۋ جۇمىستارىن قاداعالاپ، تاپسىرمانىڭ ءتيىستى مەرزىمدە ءبىتۋىن تالاپ ەتتى.
-شىمكەنتتە 49 مىڭعا جۋىق ازامات باسپانا كەزەگىندە تۇرعانىن ەسكەرەتىن بولساق، تۇرعىن ءۇي قۇرىلىسىن دامىتۋعا بار كۇش جىگەرىمىزدى سالۋىمىز قاجەت",-دەدى م. ايتەنوۆ.
