Feısbýk áleýmettik jelisinde jýrnalıst Meıirjan Áýelhanuly Talǵar aýdanyndaǵy keleńsiz jaǵdaıdy aıtyp, jazba jarııalady. Jylý toqtap, qarııalar men balalardyń dirdek qaqqanyn kórgen avtor el atqaminerlerine renishin bildirdi. Bul jaıly "Adyrna" ulttyq portaly habarlady.
- Almaty oblysy Talǵar aýdany Tuzdybastaý aýylynda kesheden beri gaz joq. Kórshilerdiń chaty shýlap jatyr. "Qashan keledi? Kimge habarlasamyz?" degen suraqtar. Bir skrınshottar tarap júr. Aǵashtardyń gaz qubyryna qulap, apat bolǵany jaıly. Áli eshqandaı resmı habarlandyrý taraǵan joq. Úıdegi áıel, bala-shaǵaǵa, kári adamdarǵa obal. Dirdek qaǵyp, sýyqta pana tappaı otyr. Tek Tuzdybastaý emes, Gúldala t.b biraz aýyl solaı eken. Bul el el bolýdan qalyp bara ma qalaı? Joq álde joldy jaýyp, mıtıng jasamasa másele sheshilmeıtin bolǵan ba?
Ókinishke qaraı, oqyrmandar avtordyń jazbasyn eldigimge syn derektermen tolyqtyra jóneldi. Avtor, gazdyń túsken keıin, saǵat tórtte kelgenin jetkizdi. Sonymen qatar:
- "Táýekel gaz" degen monopolıst mekeme. Gazdy tartatyn kezde aqshasyn tólep qoıǵannyń ózinde sońdarynan júgirtip, halyqty kóp áýre-sarsańǵa salady. Al qystyń kózi qyraýda trýbasy jarylyp jatsa da ne jaýap bermeıdi, ne tezdetip jóndemeıdi. Qazaqtanda jumys jasaıtyn ákim qaranyń bárin bir kemege salyp basqa jaqqa kóshirip jiberý kerek. Bir jańa qurlyq taýyp, sondaǵy taıpalarǵa ákim bolsyn!.. Ákimdiktegi azamattardyń "túsinistikpen qaraýyn ótinemiz" degen sózin túsine almaıdy ekenmin. Sýyq kúnde sábıi bar ana ne isteıdi, aýrý qarty bar adam ne isteıdi? Olar sizderge qalaı túsinistikpen qaraıdy sonda? - dep jazdy avtor.
"Adyrna" ulttyq portaly
