كوپ قاباتتى ۇيدەن شىققان ورتتەن ءۇش ادامدى قۇتقارىپ، ەرلىكپەن قازا تاپقان اسقار زابيكۋليننىڭ ەسىمى ەلورداداعى ەسىل اۋدانىنداعى كوشەلەردىڭ بىرىنە بەرىلەدى. بۇل تۋرالى قالا اكىمدىگىنىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
«استانا ونوماستيكالىق كوميسسياسىنىڭ وتىرىسىندا ەسىل اۋدانىندا (ۇركەر تم) ورنالاسقان ە-583 كوشەسىندە ادامداردى قۇتقارعان جانە ءورتتى ءسوندىرۋ كەزىندە ەرلىكپەن قازا تاپقان اسقار زابيكۋليننىڭ ەسىمىن بەرۋ تۋرالى شەشىم قابىلداندى. باتىر ەسىمىن ءوزى قىزمەت ەتكەن №6 مامانداندىرىلعان ءورت ءسوندىرۋ بولىمىنە بەرۋ، مەكەمە الدىنا بيۋست ورناتۋ ۇسىنىلدى. سونىمەن قاتار ەستەلىك سۋرەتىن شاھارداعى ا.پۋشكين كوشەسىندە ورنالاسقان «قۇتقارۋشىلار ساياباعىنداعى» اقپاراتتىق تاقتاعا ورنالاستىرۋ تۋرالى شەشىم قابىلداندى»،—دەدى ۆەدومستۆو.
ايتا كەتەيىك، بۇعان دەيىن مەملەكەت باسشىسىنىڭ تاپسىرماسى بويىنشا قۇتقارۋشى اسقار زابيكۋليننىڭ وتباسىنا ءۇش بولمەلى پاتەردىڭ كىلتى تابىستالعان بولاتىن.
