جۇرەگىم اۋىرىپ، جانىم كۇيزەلىپ وتىر. "حابار" ارناسىنان جاڭا عانا "جىل تاڭداۋى - 2018" دەگەن سايقىمازاق"كونتسەرت" كوردءىم. توبىرلىق ونەردىڭ تالاي سۇمدىعىنا كۋə بوپ ءجۇرمىز عوي، بىراق مەن قازاق ساحناسىن تاپ مىنانداي دەڭگەيدە مۋزىكالىق قوقسىق باسادى دەپ ەش ويلاعان ەمەس ەدىم. "جىل تاڭداۋىنا" ءبىر ەسى دۇرىس قازاق ءəنى بولمادى. (تامارا اسار "اقبايان" ءəنىن فونوگراممامەن ايتقانى بولماسا) كىلەڭ كəرىس، سارت، تۇرىك، ورىس، ءشۇرشىت ت.ب ەلدەردىڭ قۇرىپ قالعان تومەنگى سورتتى شيرپوترەب "əندەرى" "شىرقالدى". سوندا بۇل قاي ەلدىڭ "جىل تاڭداۋى"?!
ءسوزىن قازاقشالاپ العان بۇل جاتجەرلىك "əندەردى" تىڭداۋ نەتكەن اۋىر، نەتكەن ازاپ ەدى، ءتىپتى جانىڭ تۇرشىگەدى. بىراق "سوقىر تاۋىققا ءبəرى بيداي" دەگەن ەمەس پە، ەكى يىعىن جۇلىپ جەپ "فانەرششيكتەر" مəز، سانىن شاپاتتاپ زال تولى توبىر دۋ-دۋ.
مەنى تاڭقالدىرعانى وڭشەڭ توبىرلىق مəدەنيەت وكىلدەرى جيىلعان زالدا قازاق ەستراداسىنىڭ اقساقالدارى نۇرعالي ءنۇسىپجانوۆ، لاكي كەسوگلۋ باستاعان كوريفەيلەردىڭ وتىرعانى. مەن كەشەگى روزا باعلانوۆا، نۇرعيسا تىلەنديەۆ سياقتى جاقسىلاردىڭ كوزىن كورىپ، ءىزىن باسقان نۇرعالي اعامىزدى مىنانداي جىن ويناقتان كورەمىن دەپ əستە ويلاعان ەمەس ەدىم. نۇرعالي اعا-اۋ، قالاي مىنا سۇمدىققا قالاي شىداپ وتىردىڭىز. ءسىز قازاق ەستراداسىنىڭ اعاسى ەمەسسىز بە، ءتىپتى قارياسى ەمەسسىز بە، نەگە پروتەست جاساپ تۇرىپ كەتپەدىڭىز. Əسىرەسە، اناۋ داۋسى مۇرنىنان ششىققان بəكەنە بويلى سارى قىز دəل الدىڭىزدا كەلىپ ويقاستاپ، ءىش كيىمىنىڭ اۋىن سوزعىلاپ، شۇرتەكەيىن شەرتكىلەگەندە ءسىزدى تۇرىپ كەتەتىن شىعار دەگەن ەدىم. جوق، ءسىز تاپجىلماي وتىرىپ، ماسقارا كونتسەرتتى ودان ءəرى تاماشالاي بەردىڭىز. ەگەر ءسىز نارازىلىڭىڭىزدى ءبىلدىرىپ، ۇيىمداستىرۋشىلارعا ءبىر اۋىز ءسوز ايتىپ زالدان كەتىپ قالعاندا ۇيىمداستىرۋشىلار ويلانار ما ەدى، ۇيىمداستىرۋشىلار ويلانباسا مىنا ماسقارا "كونتسەرتتىڭ" باسى-قاسىندا جۇرگەن، ساحناعا جىميىپ شىعىپ "پرەميا" تاپسىرعان اقپارات ءمينيسترى ويلانار ەدى، بəلكىم ۇيالار ەدى. جوق، ءسىز تۇك بولماعانداي "جىن-ويناقتى" ودان ءəرى تاماشالاپ، ءتىپتى ءبىر توپ فانەرششيكتەرگە "پرەميا" تاپسىرىپ جاتتىڭىز. ءسىز سەكىلدى "حالىق əرتىستەرى" ءوستىپ توبىرلىق مəدەنيەتتىڭ سويىلىن سوقسا، وندا ءبىراز جەرگە كەلىپ قالعان ەكەنبىز، نۇرعالي اعا! ەگەر قازاق ونەرى - بار راحاتى مەن قىزىعىن كورگەن سىزدەرگە كەرەك بولماسا، قالعاندارىمىزعا نە جورىق؟!
PS: جاڭا عانا "حابار" ارناسىنان ەكى تىلدە قويىرتپاقتالىپ كورسەتىلگەن "جىل تاڭداۋى" "كونتسەرتى" قازاق ونەرىنىڭ əبدەن مارگينالدانىپ، ازىپ-توزىپ، ءىرىپ-شىرىگەنىن تاعى ءبىر مəرتە دالەلدەدى.
سولاي اعايىن، توبىرلىق، قۇلدىق مəدەنيەت ۇلتتىق مəدەنيەتتى ءولتىرىپتى. ساتال-ساتال الاباجاق تۋى ۇلتتىق مəدەنيەتتىڭ قابىرىنىڭ ۇستىندە جەلبىرەپ تۇر ەكەن. بۇگىن سونىڭ كۋəسى بولدىق. قايىرلى بولسىن، سىزدەرگە، توبىرلىق ونەرپازدار! قازاق ۇلتتىق مۋزىكا مادەنيەتىنىڭ تۇبىنە جەتۋلەرىڭمەن قۇتتىقتايمىن!
