Júregim aýyryp, janym kúızelip otyr. "Habar" arnasynan jańa ǵana "Jyl tańdaýy - 2018" degen saıqymazaq"konert" kórdim. Tobyrlyq ónerdiń talaı sumdyǵyna kýə bop júrmiz ǵoı, biraq men qazaq sahnasyn tap mynandaı deńgeıde mýzykalyq qoqsyq basady dep esh oılaǵan emes edim. "Jyl tańdaýyna" bir esi durys qazaq əni bolmady. (Tamara Asar "Aqbaıan" ənin fonogrammamen aıtqany bolmasa) Kileń kəris, sart, túrik, orys, shúrshit t.b elderdiń quryp qalǵan tómengi sortty shırpotreb "ənderi" "shyrqaldy". Sonda bul qaı eldiń "Jyl tańdaýy"?!
Sózin qazaqshalap alǵan bul jatjerlik "ənderdi" tyńdaý netken aýyr, netken azap edi, tipti janyń túrshigedi. Biraq "Soqyr taýyqqa bəri bıdaı" degen emes pe, eki ıyǵyn julyp jep "fanerıkter" məz, sanyn shapattap zal toly tobyr dý-dý.
Meni tańqaldyrǵany óńsheń tobyrlyq mədenıet ókilderi jıylǵan zalda qazaq estradasynyń aqsaqaldary Nurǵalı Núsipjanov, Lakı Kesoglý bastaǵan korıfeılerdiń otyrǵany. Men keshegi Roza Baǵlanova, Nurǵısa Tilendıev sııaqty jaqsylardyń kózin kórip, izin basqan Nurǵalı aǵamyzdy mynandaı jyn oınaqtan kóremin dep əste oılaǵan emes edim. Nurǵalı aǵa-aý, qalaı myna sumdyqqa qalaı shydap otyrdyńyz. Siz qazaq estradasynyń aǵasy emessiz be, tipti qarııasy emessiz be, nege protest jasap turyp ketpedińiz. Əsirese, anaý daýsy murnynan yqqan bəkene boıly sary qyz dəl aldyńyzda kelip oıqastap, ish kıiminiń aýyn sozǵylap, shúrtekeıin shertkilegende sizdi turyp ketetin shyǵar degen edim. Joq, siz tapjylmaı otyryp, masqara konertti odan əri tamashalaı berdińiz. Eger siz narazylyńyńyzdy bildirip, uıymdastyrýshylarǵa bir aýyz sóz aıtyp zaldan ketip qalǵanda uıymdastyrýshylar oılanar ma edi, uıymdastyrýshylar oılanbasa myna masqara "konerttiń" basy-qasynda júrgen, sahnaǵa jymıyp shyǵyp "premııa" tapsyrǵan aqparat mınıstri oılanar edi, bəlkim uıalar edi. Joq, siz túk bolmaǵandaı "jyn-oınaqty" odan əri tamashalap, tipti bir top fanerıkterge "premııa" tapsyryp jattyńyz. Siz sekildi "Halyq ərtisteri" óstip tobyrlyq mədenıettiń soıylyn soqsa, onda biraz jerge kelip qalǵan ekenbiz, Nurǵalı aǵa! Eger qazaq óneri - bar rahaty men qyzyǵyn kórgen sizderge kerek bolmasa, qalǵandarymyzǵa ne joryq?!
PS: Jańa ǵana "Habar" arnasynan eki tilde qoıyrtpaqtalyp kórsetilgen "Jyl tańdaýy" "konerti" qazaq óneriniń əbden margınaldanyp, azyp-tozyp, irip-shirigenin taǵy bir mərte dáleldedi.
Solaı aǵaıyn, tobyrlyq, quldyq mədenıet ulttyq mədenıetti óltiripti. Satal-satal alabajaq týy ulttyq mədenıettiń qabiriniń ústinde jelbirep tur eken. Búgin sonyń kýəsi boldyq. Qaıyrly bolsyn, sizderge, tobyrlyq ónerpazdar! Qazaq ulttyq mýzyka mádenıetiniń túbine jetýlerińmen quttyqtaımyn!
