الەۋمەتتىك جەلىدەگى بەلسەندى جۋرناليست ەسەنبەك ساناتۇلىنىڭ مىنا جازباسى قوعامدى دۇرلىكتىردى. داۋدىڭ وشاعى ۇنەمى يدەولوگيالىق ساياساتى سىنعا ءىلىنىپ جۇرەتىن پاۆلودار وبلىسى. ەندەشە تومەندە اۆتوردىڭ جازباسىن قاز-قالپىندا بەرىپ وتىرمىز.
«جازباسىما بولمادى. تاڭەرتەڭنەن بەرى توپتاردا سسسر-ءدىڭ تۋعان كۇنىمەن قۇتتىقتاعان جولداۋلار مەزى ەتتى. كومسومولداردىڭ كەسىرى اقىرى مىنە كورىنىس بەردى. اسىرەسە وزگە ۇلت وكىلدەرى بۇگىن ءبىرىن ءبىرى وتان كۇنىمەن قۇتتىقتاپ ءماز. وعان ءبىزدىڭ قاراكوزدەرىمىزدە قوسىلىپ العان.
پاۆلودار قالاسىنا قاراستى مويىلدى اۋىلىنىڭ اكىمدىگى بۇگىن ەرەكشە قۋانىپ ءماز بولعانى بايقالادى. Watsappتاعى توپتارى قىزىلعا تولىپ كەتكەن. اۋىل اكىمى بولات فايزۋللينگە ءمان-جايدى تۇسىندىرەيىن دەپ حابارلاسسام، "قايت دەپ وتىرسىڭ", دەگەندەي دۇرىس سويلەسپەي تەلەفون تۇتقاسىن لاقتىرىپ تاستادى. قالا اكىمى انۋار كۇمپەكەەۆ نە دەيسىز، مىنا قىلىققا؟ قۇتتىقتاۋلارعا قوسىلعانداردىڭ قاتارىندا ءوز ارىپتەستەرىمنىڭ بولعانى جانعا باتتى».
جانازاسى شىققانىنا 27 جىل تولعان كەڭەس ۇكىمەتىن اڭسايتىندار باسقا-باسقا ەمەس، اكىمدىكتە وتىرعانىنا ناليدى اۆتور.
ر. S. كەشەدەن بەرى كەرەكۋلىكتەردىڭ تەلەفون ۆاتسابى رف پرەزيدەنتى ءپۋتيننىڭ جۇرتشىلىقتى جاڭا جىل مەرەكەسىمەن قۇتتىقتاعان سۋرەتتەرىنە تولىپ كەتتى. قازىرگى زامان اقپارات سوعىسىنىڭ زامانى ەكەنىن ەسكەرسەك، مەملەكەتتىك ساياساتتىڭ ەڭ قاۋىپتى دە نازىك تۇسى يدەولوگيانى قاتاڭ قاداعالاعان ءجون-اۋ.
«ادىرنا» ۇلتتىق پورتالى
