Sankt-Peterbýrgke kóship barǵan 27 jastaǵy petropavldyq qyzdy óltirdi degen kúdikpen Qyrǵyzstan azamaty ustaldy. Bul týraly Fontanka.ru. jarııalady, dep habarlaıdy “Adyrna” ulttyq portaly.
Er adam qyzdyń 23 qarashada Stýdencheskaıa kóshesindegi páterine jóndeý jumystaryn tekserý úshin ketip, keıin baılanysqa shyqpaı ketkenin aıtqan. 25 qarashada páterdiń buryshynan qurylys materıaldarynyń qaldyqtary salynǵan qaptardyń arasynan polıetılen paketine oralǵan úı ıesiniń máıiti tabylǵan.
Qyzdyń denesinen pyshaq jaraqaty, tunshyqtyrý izderi tabyldy.
RF QK 105-baby 1-bóligi (adam óltirý) boıynsha qylmystyq is qozǵaldy.
Páterde jóndeý jumystaryn júrgizgen 41 jastaǵy Qyrǵyzstan azamaty kúdikke ilindi. Kúndiz ol Peterbýrgten avtobýspen ketip qalǵany anyqtaldy.
Mıgrant 2 kún izdestirildi. Ony 27 qarashada Reseı IIM Sankt-Peterbýrg jáne Lenıngrad oblysy boıynsha bas basqarmasy qyzmetkerleri Máskeý dańǵyly, 36 mekenjaıyndaǵy jataqhanadan shyǵyp kele jatqanda ustaǵan.
