قازاقستاندا مەملەكەتتىك قىزمەتتەر پورتالىندا ەسق ورنىنا QR قولتاڭباسىن قويۋ قولجەتىمدى بولدى. بۇل تۋرالى اقپاراتتى تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى راستادى، دەپ حابارلايدى “ادىرنا” ءتىلشىسى.
«تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى ەلەكتروندى قوسىمشالارعا قول قويۋدىڭ بالامالى مەحانيزمىن – eGov Mobile جانە eGov Busines ءموبيلدى قوسىمشالارى ارقىلى QR قول قويۋدى ەنگىزدى. QR-قولتاڭبانىڭ ارتىقشىلىقتارى الىنبالى فلەش-تاسىعىشقا ەسق جۇكتەپ الۋ جانە قوسىمشا NCALayer قوسىمشاسىن ورناتۋ قاجەتتىلىگىن جويادى. بۇگىنگى كۇنى QR-قول قويۋ ەلەكتروندىق ۇكىمەت پورتالىندا (egov.kz), سوت كابينەتىندە (office.sud.kz) جانە Otbasy Bank سايتىندا (otbasybank.kz) قولجەتىمدى» دەپ حابارلادى مينيسترلىك.
QR ارقىلى كىرۋ ءۇشىن Face ID, ساۋساق ءىزى نەمەسە PIN كودىن پايدالانىپ، eGov Mobile (جەكە تۇلعالار ءۇشىن) نەمەسە eGov Business (زاڭدى تۇلعالار ءۇشىن) جۇيەسىنە كىرۋ قاجەت. قولدانبانىڭ نەگىزگى بەتىندە eGovQR قويىندىسىن اشىڭىز، QR قۇراستىرادى جانە قۇجاتقا قول قويادى.كەلەسى قول قويىلعان قۇجاتتار ماقساتىنا ساي ءارى قاراي ورىنداۋعا/قاراۋعا جىبەرىلەدى.سونىمەن قاتار قول قويىلعان قۇجاتپەن ارقاشان تانىسۋعا بولاتىنىن اتاپ وتكەن ءجون.
«وسىلايشا، QR-قولتاڭبا ەلەكتروندى قۇجاتتارعا قول قويۋدىڭ ىڭعايلى جانە ارقاشان قول جەتىمدى ءتاسىلى بولىپ تابىلادى» دەپ ءتۇسىندىردى مينيسترلىك.
QR-قولتاڭبانى قولدانۋ اياسىن كەڭەيتۋ جۇمىستارى بۇدان كەيىن جالعاسادى.
«ماسەلەن، بجزق سايتىندا QR-قول قويۋ مۇمكىندىگىن ەنگىزۋ بويىنشا جۇمىس سوڭعى ساتىعا جەتتى» دەپ قورىتىندىلادى تسيفرلىق دامۋ مينيسترلىگى.
بۇعان دەيىن مينيستر باعدات مۋسين QR-قولتاڭبا ەسق-نى تولىعىمەن اۋىستىراتىنىن ايتقان بولاتىن.
“مەنىڭ ويىمشا، ەڭ الدىمەن، ادامدارعا ەلەكتروندى قىزمەتتەردى پايدالانۋ ىڭعايلى بولۋىن قامتاماسىز ەتۋ كەرەك. مەن بۇل جۇمىستى جانداندىرىپ، NCALayer-تەن مۇلدەم باس تارتۋ تۋرالى تاپسىرما بەردىم”، – دەدى ول.
