Qazaqstanda memlekettik qyzmetter portalynda ESQ ornyna QR qoltańbasyn qoıý qoljetimdi boldy. Bul týraly aqparatty ıfrlyq damý, ınnovaııalar jáne aeroǵarysh ónerkásibi mınıstrligi rastady, dep habarlaıdy “Adyrna” tilshisi.
«ıfrlyq damý, ınnovaııalar jáne aeroǵarysh ónerkásibi mınıstrligi elektrondy qosymshalarǵa qol qoıýdyń balamaly mehanızmin – eGov Mobile jáne eGov Busines mobıldi qosymshalary arqyly QR qol qoıýdy engizdi. QR-qoltańbanyń artyqshylyqtary alynbaly flesh-tasyǵyshqa ESQ júktep alý jáne qosymsha NCALayer qosymshasyn ornatý qajettiligin joıady. Búgingi kúni QR-qol qoıý elektrondyq úkimet portalynda (egov.kz), Sot kabınetinde (office.sud.kz) jáne Otbasy Bank saıtynda (otbasybank.kz) qoljetimdi» dep habarlady mınıstrlik.
QR arqyly kirý úshin Face ID, saýsaq izi nemese PIN kodyn paıdalanyp, eGov Mobile (jeke tulǵalar úshin) nemese eGov Business (zańdy tulǵalar úshin) júıesine kirý qajet. Qoldanbanyń negizgi betinde eGovQR qoıyndysyn ashyńyz, QR qurastyrady jáne qujatqa qol qoıady.Kelesi qol qoıylǵan qujattar maqsatyna saı ári qaraı oryndaýǵa/qaraýǵa jiberiledi.Sonymen qatar qol qoıylǵan qujatpen árqashan tanysýǵa bolatynyn atap ótken jón.
«Osylaısha, QR-qoltańba elektrondy qujattarǵa qol qoıýdyń yńǵaıly jáne árqashan qol jetimdi tásili bolyp tabylady» dep túsindirdi mınıstrlik.
QR-qoltańbany qoldaný aıasyn keńeıtý jumystary budan keıin jalǵasady.
«Máselen, BJZQ saıtynda QR-qol qoıý múmkindigin engizý boıynsha jumys sońǵy satyǵa jetti» dep qorytyndylady ıfrlyq damý mınıstrligi.
Buǵan deıin mınıstr Baǵdat Mýsın QR-qoltańba ESQ-ny tolyǵymen aýystyratynyn aıtqan bolatyn.
“Meniń oıymsha, eń aldymen, adamdarǵa elektrondy qyzmetterdi paıdalaný yńǵaıly bolýyn qamtamasyz etý kerek. Men bul jumysty jandandyryp, NCALayer-ten múldem bas tartý týraly tapsyrma berdim”, – dedi ol.
