«قازفوسفات» باسشىلىعى كەشىرىم سۇرادى

2652
Adyrna.kz Telegram
فوتو: ۆيدەودان الىندى
فوتو: ۆيدەودان الىندى

جامبىل وبلىسى اكىمدىگىنىڭ ەڭبەك ينسپەكتسياسى باسقارماسى تارازدا «قازفوسفات» جۇمىسشىلارىنىڭ نارازىلىققا شىققانىنا قاتىستى تۇسىنىكتەمە بەردى، دەپ حابارلايدى “ادىرنا” ۇلتتىق پورتالى Halyq Uni سايتىنا سىلتەمە جاساپ. 

«2022 جىلدىڭ 23 قاراشاسى ساعات 11:40 شاماسىندا «قازفوسفات» قىزمەتكەرلەرى اراسىندا تۇسىنبەۋشىلىك تۋىندادى. «قازفوسفات» جشس-عا قاراستى تسيفرلىق ترانسفورماتسيا باسقارماسىنىڭ باسشىسى ارىپتەستەرىنە دورەكى سويلەگەن. سونىڭ سالدارىنان تۇسىنبەۋشىلىك بولعان»، - دەپ حابارلادى باسقارما.

سونىمەن قاتار، وبلىس اكىمىنىڭ ءبىرىنشى ورىنباسارى نۇرجان كالەندەروۆ، وبلىس اكىمىنىڭ ورىنباسارى قاناتبەك مادىبەك، وبلىس پروكۋرورىنىڭ ورىنباسارى نۇربەك ۇلاسبەكۇلى قىزمەتكەرلەرمەن كەزدەسىپ، ءتۇسىندىرۋ جۇمىستارىن جۇرگىزدى.

“قازفوسفات» جشس-عا قاراستى تسيفرلىق ترانسفورماتسيا باسقارماسىنىڭ باسشىسى ارىپتەستەرىنەن كەشىرىم سۇرادى. ول جۇمىستان شىعارىلدى”، - دەلىنگەن اقپاراتتا.

ال ەڭبەك ينسپەكتسياسى باسقارماسىنىڭ حابارلاۋىنشا، شامامەن 200-گە جۋىق قىزمەتكەر جينالعان.

«وسى وقيعاعا قاتىستى زاۋىت ىشىنەن ەرىكتى 20 ادامنان قۇرالعان جۇمىسشى توپ قۇرىلدى. توپ قۇرامىنا ءار تسەحتىڭ باسشىسى جانە كاسىپوداق وكىلدەرى ەنىپ، وزەكتى ماسەلەلەر بويىنشا جۇمىستار جۇرگىزىپ جاتىر. قازىر كاسىپورىنداعى احۋال تۇراقتاندى. جاعداي وبلىس اكىمىنىڭ تىكەلەي باقىلاۋىندا»، - دەپ حابارلادى ەڭبەك ينسپەكتسياسى باسقارماسى.

ەسكە سالايىق، بۇگىن،  23 قاراشادا «قازفوسفات» قىزمەتكەرلەرى نارازىلىققا شىققان بولاتىن. قىزمەتكەرلەردىڭ ايتۋىنشا، مەكەمە باسشىلىعى جۇمىسشىلاردى بالاعاتتاعان.

پىكىرلەر