الەم چەمپيوناتىندا قازاقستاننىڭ ءانۇرانى اۋىسىپ كەتتى (ۆيدەو)

3485
Adyrna.kz Telegram
فوتو: ۆيدەودان الىندى
فوتو: ۆيدەودان الىندى

سپورتتىق بيدەن لاتۆيانىڭ سالاسپيلس قالاسىندا وتكەن الەم چەمپيوناتىندا قازاقستان تۇڭعىش رەت التىن الدى. ماكسيم جيلەنكوۆ پەن ارينا مولوچكوۆا ءبىرىنشى ورىن يەلەنىپ، جەڭىس تۇعىرىنا كوتەرىلدى. الايدا ماراپاتتاۋ راسىمىندە قازاقستاننىڭ ەسكى ءانۇرانى قوسىلعان. بۇل تۋرالى جۋرناليست ايدوس رىمقۇل ءانۇراننىڭ اۋىسۋى ءجيى قايتالاناتىنىن قاتاڭ سىنعا الىپ، Facebook جەلىسىندە جازبا قالدىردى، دەپ حابارلايدى “ادىرنا” ۇلتتىق پورتالى.

بۇل ەل تاريحىندا سپورتتىق بيدەن يەلەنگەن العاشقى التىن جۇلدە. الايدا سپورتشىلاردى ماراپاتتاۋ كەزىندە وسىدان 16 جىل بۇرىنعى ءانۇران شىرقالدى.

«لاتۆيادا سپورتتىق بيدەن الەم چەمپيوناتى ءوتىپ جاتىر. اتالعان جارىستا جاستار اراسىندا سىنعا تۇسكەن وتانداستارىمىز ماكسيم جيلەنكوۆ پەن ارينا مولوچنيكوۆا سپورتتىق ءبيدىڭ قوسسايىس تۇرىندە قارسىلاس شاق كەلتىرمەي، الەم چەمپيونى اتاندى. دەسە دە ماراپاتتاۋ سالتاناتىندا ماسقارا جاعداي بولدى.

ەلىمىزدىڭ قازىرگى گيمنىنىڭ ورنىنا 1991-2006 جىلعا دەيىنگى گيمنىمىز وينالدى. ءانۇراننىڭ اۋىسقانىنا 16 جىل بولسا دا، ماسقارا جاعداي قايتالانۋدا.

وعان جاۋاپتى سپورت فۋنكتسيونەرلەرىنە دە ءبارىبىر سياقتى. قايبىر جىلى مەن سپورتتى دامىتۋ ديرەكتسياسىندا جۇمىس ىستەگەندە شەتەلدىك جارىسقا شىققان ءاربىر كومانداعا ەلىمىزدىڭ گيمنى مەن كوك تۋىن قوسىپ جىبەرۋ ءباسپاسوز حاتشىسىنىڭ موينىندا بولاتىن. قازىر قالاي ەكەنىن بىلمەيمىن، دەسە دە سۇمدىق مىناۋ»، - دەپ جازدى جۋرناليست.

لاتۆياداعى الەم چەمپيوناتىندا 32 ەل سپورتشىلارى باق سىناۋدا.

پىكىرلەر