"Qutqarýshy Asqar Zabıkýlınniń týystary men jaqyndaryna shyn júrekten kóńil aıtamyz. Bul bárimiz úshin orny tolmas qaıǵy. Asqar jankeshti áreketiniń arqasynda birneshe adamdy qutqaryp qaldy. Asqardyń artynda eki kishkentaı balasy qaldy. Ózderińiz biletindeı, Asqar Zabıkýlınniń jubaıyna úsh bólmeli páterdiń sertıfıkaty tapsyryldy. Jańa baspana Esil aýdanyndaǵy jańa turǵyn úı kesheninde ornalasqan. Bul páter Askardyń otbasyna jekemenshikke, árlengen kúıde ári jıhazymen birge beriledi. Qazir qujattaryn rásimdeý jumysy júrip jatyr.
Al qutqarýshy Aıan Kempirovtiń otbasyna kómek retinde ıpotekasy jabyldy. Onyń somasy 24 mıllıon teńgeni quraıdy. Sol sııaqty Asqar Zabıkýlın men Aıan Kempirovtiń otbasylaryna tıesili 6 mıllıon teńgeniń nesıesi óteldi. Astana TJD qyzmetkerleri órt kezinde erlik kórsetip, ózgelerdiń ómirin saqtap qaldy. Asqardyń batyrlyǵy men qysyltaıań sáttegi janqııarlyq áreketi júregimizde máńgi saqtalady. Memleket qutqarýshylardyń otbasylaryna barynsha qoldaý kórsetip, qamqorlyǵyna alyp keledi",- dep jazdy Aqmaral Oljabaeva.
"Adyrna" ulttyq portaly
