ەستەرىڭىزدە سالا كەتەيىك، 2018 جىلعى ادەبيەت جانە ونەر سالاسىنداعى مەملەكەتتىك سىيلىقتىڭ ءبىرىن قر پەزيدەنتىنىڭ قىزى ءاليا نۇرسۇلتان قىزى العان ەدى. وسى ءبىر قۋانىشتى حاباردى بالتابەك اقىن فەيزبۋك پاراقشاسىنا بىلاي دەپ ءبولىسىپتى:
نۇرلانعان تەكتىلىكتىڭ نىشانىنداي
ۋا، قازاق ەلى! بۇگىن كەرەمەت كۇن! جاقسى جاڭالىقتى ەستىپ، جانىم جادىرادى! «اناعا اپارار جول» كينوكارتيناسىنىڭ كورەگەن باس پروديۋسەرى بولعان نازارباەۆا ءاليا اپكەتايىم مەملەكەتتىك سىيلىقتىڭ يەگەرى اتاندى! قۇتتى بولسىن! بۇل ولەڭىمدى كينو ونەرىنىڭ كەمەڭگەرى ءاليا نۇرسۇلتانقىزى اپكەتايىما ارنايمىن!
ءسۇيىنشى!
ۋا، ءسۇيىنشى!
يگى قازاق!
بۇل حابار شۇعىلاسىن قۇيدى عاجاپ.
ءاليا اپكەتايدىڭ سىيلىق العان،
«اناعا اپارار جول» ءفيلمى عاجاپ!
قالايشا مەن تۇرامىن ولەڭ ەتپەي؟
قالايشا ەل تۇرادى ەلەڭ ەتپەي؟!
ءاليا اپكەتايىم – الەم نۇرى،
كينونىڭ جەبەۋشىسى كەرەمەتتەي!
ءاليا اپكەتايىم، نۇر ۇلگىڭىز،
نۇر سىرىن تەكتىلىكپەن ۇعىندىڭىز.
نۇرلانعان تەكتىلىكتىڭ نىشانىنداي،
تاريحي تاعىلىمدى تۋىندىڭىز!
ارنالسىن سىزگە قۇرمەت ولەڭىمىز،
كەرەمەت كينولاردى جەبەدىڭىز.
پاش ەتىپ ۇلى دالا ۇلاعاتىن،
حالىقتى قۋانىشقا بولەدىڭىز!
بۇل دەگەن – دانالىقتىڭ دارياسى،
ماقتانسىن ماڭگىلىك ەل ءار ۇياسى.
ءاليا بىزدە ەكەۋ، ءبىرى – ءسىز عوي،
بىرەۋى – مولداعۇلدىڭ ءالياسى!
سىزدەردىڭ ەرلىگىڭىز ەگىز دەيمىن،
ءسوزىمدى دالەلدەيمىن، نەگىزدەيمىن.
ءاليا دەگەن ەسىم – عاجاپ ەسىم،
ەسىمنەن ەرەكشە ءمان مەن ىزدەيمىن!
ءبىرىڭىز – ۇلى مايدان ىشىندەسىز،
ءبىرىڭىز – مايدان ءفيلمىن تۇسىرگەسىز.
سىيلىققا مەملەكەتتىك لايىقتىسىز،
وسىناۋ ەرلىگىڭىز ءۇشىن دە، ءسىز!
بولدىڭىز بار قازاققا جاريالى!
بولدىڭىز بار الەمگە جاريالى!
باس ءيسىن تەكتىلىكتىڭ بەلگىسىنە،
ەل تانىپ نۇردىڭ قىزى – ءاليانى!
ءاليا اپكەتايىم – عۇلامامىز،
قىزىسىز عۇلامانىڭ! قۋانامىز!
كيەلى تاۋەلسىزدىك – كوركەم «كينو»،
سىيلاعان ول «كينونى» نۇر-اعامىز!
اكەسى – ەلباسىمىز تاڭعاجايىپ،
ءاليا – نۇردىڭ قىزى تاڭعاجايىپ!
حالايىق، تەكتىلەرگە تاعزىم ەتىپ،
ءبارىمىز ولەڭ ارناپ، ءان جازايىق!
ۇلكە-ە-ەن قۇرمەتپەن، بالتابەك نۇرعاليەۆ
