Esterińizde sala keteıik, 2018 jylǵy ádebıet jáne óner salasyndaǵy memlekettik syılyqtyń birin QR pezıdentiniń qyzy Álııa Nursultan qyzy alǵan edi. Osy bir qýanyshty habardy Baltabek aqyn feızbýk paraqshasyna bylaı dep bólisipti:
NURLANǴAN TEKTILIKTIŃ NYShANYNDAI
Ýa, Qazaq Eli! Búgin keremet kún! Jaqsy jańalyqty estip, janym jadyrady! «Anaǵa aparar jol» kınokartınasynyń kóregen bas prodıýseri bolǵan Nazarbaeva Álııa Ápketaıym Memlekettik syılyqtyń ıegeri atandy! Qutty bolsyn! Bul óleńimdi KINO ÓNERINIŃ KEMEŃGERI Álııa Nursultanqyzy Ápketaıyma arnaımyn!
Súıinshi!
Ýa, Súıinshi!
Igi qazaq!
Bul habar shuǵylasyn quıdy ǵajap.
Álııa Ápketaıdyń syılyq alǵan,
«Anaǵa aparar jol» fılmi ǵajap!
Qalaısha men turamyn óleń etpeı?
Qalaısha el turady eleń etpeı?!
Álııa Ápketaıym – álem nury,
Kınonyń jebeýshisi keremetteı!
Álııa Ápketaıym, nur úlgińiz,
Nur syryn tektilikpen uǵyndyńyz.
Nurlanǵan tektiliktiń nyshanyndaı,
Tarıhı taǵylymdy týyndyńyz!
Arnalsyn Sizge qurmet óleńimiz,
Keremet kınolardy jebedińiz.
Pash etip Uly Dala ulaǵatyn,
Halyqty qýanyshqa bóledińiz!
Bul degen – danalyqtyń darııasy,
Maqtansyn Máńgilik El ár uıasy.
Álııa bizde ekeý, biri – Siz ǵoı,
Bireýi – Moldaǵuldyń Álııasy!
Sizderdiń erligińiz egiz deımin,
Sózimdi dáleldeımin, negizdeımin.
Álııa degen esim – ǵajap esim,
Esimnen erekshe mán men izdeımin!
Birińiz – uly maıdan ishindesiz,
Birińiz – maıdan fılmin túsirgesiz.
Syılyqqa Memlekettik laıyqtysyz,
Osynaý ERLIGIŃIZ úshin de, Siz!
Boldyńyz bar qazaqqa jarııaly!
Boldyńyz bar álemge jarııaly!
Bas ısin Tektiliktiń belgisine,
El tanyp Nurdyń Qyzy – Álııany!
Álııa Ápketaıym – ǵulamamyz,
Qyzysyz Ǵulamanyń! Qýanamyz!
Kıeli Táýelsizdik – kórkem «kıno»,
Syılaǵan ol «kınony» Nur-Aǵamyz!
Ákesi – Elbasymyz tańǵajaıyp,
Álııa – Nurdyń Qyzy tańǵajaıyp!
Halaıyq, tektilerge taǵzym etip,
Bárimiz óleń arnap, án jazaıyq!
Úlke-e-en qurmetpen, Baltabek Nurǵalıev
