پەتروپاۆل قالاسىندا گاز بالوننىڭ جارىلىسىنان جاراقات العان ادامداردىڭ جاعدايى بەلگىلى بولدى، دەپ حابارلايدى «ادىرنا» ءتىلشىسى «حابار 24»-كە سىلتەمە جاساپ.
دەنساۋلىق ساقتاۋ باسقارماسى ءباسپاسوز قىزمەتىنىڭ حابارلاۋىنشا، اۋرۋحاناعا تۇسكەن 9 ناۋقاستى ورتا جانە جەڭىل تۇردە كۇيىك شالعان. قازىر ولار ەم-دوم قابىلداپ جاتىر. ءدۇمپۋدىڭ قاتتى بولعانى سونشالىق، عيماراتتىڭ ءبىر قابىرعاسى وپىرىلىپ ءتۇستى. 10 كولىك زاقىمداندى.
«بولجام بويىنشا كولىكتىڭ گاز قۇرىلعىسى جارىلىپ كەتكەن. ونىڭ ناقتى سەبەبىن تەرگەۋدەن كەيىن انىقتالادى. وقيعا ورنىندا 10 بىرلىك تەحنيكا مەن 43 ءورت ءسوندىرۋشى جۇمىس ىستەدى»،—دەدى وبلىستىق تجد ءباسپاسوز حاتشىسى ەۆگەني جۋراۆليوۆ.
