Petropavl qalasynda gaz balonnyŋ jarylysynan jaraqat alǧan adamdardyŋ jaǧdaiy belgılı boldy, dep habarlaidy «Adyrna» tılşısı «Habar 24»-ke sılteme jasap.
Densaulyq saqtau basqarmasy baspasöz qyzmetınıŋ habarlauynşa, auruhanaǧa tüsken 9 nauqasty orta jäne jeŋıl türde küiık şalǧan. Qazır olar em-dom qabyldap jatyr. Dümpudıŋ qatty bolǧany sonşalyq, ǧimarattyŋ bır qabyrǧasy opyrylyp tüstı. 10 kölık zaqymdandy.
«Boljam boiynşa kölıktıŋ gaz qūrylǧysy jarylyp ketken. Onyŋ naqty sebebın tergeuden keiın anyqtalady. Oqiǧa ornynda 10 bırlık tehnika men 43 ört söndıruşı jūmys ıstedı»,—dedı oblystyq TJD baspasöz hatşysy Evgenii Juravliov.
