قالا حالقىنىڭ مادەني مەنتاليتەتىن قالىپتاستىرۋ دامۋدىڭ ماڭىزدى كورسەتكىشى. بۇل تۋرالى پرەزيدەنت توقاەۆ الماتى شاھارىنىڭ جۇرتشىلىعىمەن كەزدەسۋى كەزىندە ايتتى، دەپ حابارلايدى «ادىرنا» ءتىلشىسى.
«تاعى ءبىر وتە ماڭىزدى سالا بۇل – مادەنيەت. الماتى قازاقستاننىڭ مادەني استاناسى سانالادى. مۇندا تەاترلار، مۋزەيلەر، كىتاپحانالار كوپ. Almaty Fest, The Spirit of Tengri سياقتى اۋقىمدى مادەني ءىس-شارالار ءجيى وتەدى. بىراق، تاعى دا سول ماسەلە، نەگىزگى مادەنيەت وشاقتارى قالانىڭ «تاريحي ورتالىعىندا» شوعىرلانعان.اكىمدىك قالانىڭ جاڭا اۋداندارىندا زاماناۋي مادەني ورتا قالىپتاستىرۋى كەرەك. تۋريستەردى كوپتەپ تارتۋعا مادەنيەت سالاسىنىڭ الەۋەتى جەتەدى. مىسالى، جاقىندا الماتىدا ديماشتىڭ كونتسەرتى وتكەنىن جاقسى بىلەسىزدەر. وعان 65 ەلدەن 13 مىڭ تۋريست كەلدى. مادەني ءىس-شارالار قالانىڭ رۋحاني ءومىرىن بايىتۋعا، شىعارماشىلىق الەۋەتىن ارتتىرۋعا ءتيىس.سوندىقتان، وزىق حالىقارالىق تاجىريبەنى ۇنەمى زەرتتەپ، ونى، اسىرەسە، مادەني تۋريزم سالاسىنا ەنگىزۋ قاجەت. جالپى، حالىق تۇرمىسىنىڭ تۇزەلۋى، مادەنيەت وشاقتارىنىڭ ارتۋى جانە باسقا فاكتورلار قالا تۇرعىندارىنىڭ مادەني مەنتاليتەتىن قالىپتاستىرادى. بۇل – دامۋدىڭ ماڭىزدى كورسەتكىشى»،- دەدى پرەزيدەنت قاسىم-جومارت كەمەلۇلى.
