Qala halqynyń mádenı mentalıtetin qalyptastyrý damýdyń mańyzdy kórsetkishi. Bul týraly Prezıdent Toqaev Almaty shaharynyń jurtshylyǵymen kezdesýi kezinde aıtty, dep habarlaıdy «Adyrna» tilshisi.
«Taǵy bir óte mańyzdy sala bul – mádenıet. Almaty Qazaqstannyń mádenı astanasy sanalady. Munda teatrlar, mýzeıler, kitaphanalar kóp. Almaty Fest, The Spirit of Tengri sııaqty aýqymdy mádenı is-sharalar jıi ótedi. Biraq, taǵy da sol másele, negizgi mádenıet oshaqtary qalanyń «tarıhı ortalyǵynda» shoǵyrlanǵan.Ákimdik qalanyń jańa aýdandarynda zamanaýı mádenı orta qalyptastyrýy kerek. Týrısterdi kóptep tartýǵa mádenıet salasynyń áleýeti jetedi. Mysaly, jaqynda Almatyda Dımashtyń konerti ótkenin jaqsy bilesizder. Oǵan 65 elden 13 myń týrıst keldi. Mádenı is-sharalar qalanyń rýhanı ómirin baıytýǵa, shyǵarmashylyq áleýetin arttyrýǵa tıis.Sondyqtan, ozyq halyqaralyq tájirıbeni únemi zerttep, ony, ásirese, mádenı týrızm salasyna engizý qajet. Jalpy, halyq turmysynyń túzelýi, mádenıet oshaqtarynyń artýy jáne basqa faktorlar qala turǵyndarynyń mádenı mentalıtetin qalyptastyrady. Bul – damýdyń mańyzdy kórsetkishi»,- dedi Prezıdent Qasym-Jomart Kemeluly.
