ءبىرىنشى ورتالىق ازيا دەرەكتى كينو فورۋمى قر پرەزيدەنتى ن.ءا. نازارباەۆتىڭ «ۇلى دالانىڭ جەتى قىرى» ماقالاسىنا ارنالادى

1536

5-7 جەلتوقسان كۇندەرى ت.ق. جۇرگەنوۆ اتىنداعى قازاق ۇلتتىق ونەر اكادەمياسىندا ورتالىق ازيا دەرەكتى كينو فورۋمى وتەدى.

كينو جانە تەلەۆيزيا سالاسىندا مامان دايارلاۋدا ەلىمىزدە باستى وقۋ ورنى سانالاتىن ت.ق.جۇرگەنوۆ اتىنداعى قازاق ۇلتتىق ونەر اكادەمياسى،  «كينو جانە تۆ» فاكۋلتەتى بيىل ءوزىنىڭ شيرەك عاسىرلىق مەرەكەسىن اتاپ ءوتىپ جاتىر!

فاكۋلتەت كوركەم فيلم، تەلەۆيزيا، انيماتسيالىق، دەرەكتى فيلم جانە دىبىس رەجيسسەرلارىن، وپەراتورلاردى ءارى ارت–مەنەدجەرلەر مەن پروديۋسەرلاردى شىعارادى. اكادەميانىڭ ۇستازدارى، شەبەرحانا جەتەكشىلەرى  – ءالى دە وندىرىستەن قول ۇزبەگەن كاسىبي ماماندار: ءوز شاكىرتتەرىمەن يىق تىرەسە ءجۇرىپ جۇمىستان قالماعان جاندار. ءبىز كينو جانە تەلەۆيزياعا ماماندار دايارلاۋدا العاشقى بولعانىمىزدى ماقتان ەتەمىز. بۇگىندە جۇرگەنوۆتى بىتىرگەن تۇلەكتەر رەسپۋبليكانىڭ بارلىق تەلەكانالدارى مەن ستۋديالارىندا ەڭبەك ەتۋدە.

سونىمەن قاتار، فاكۋلتەتتىڭ قازىرگى دەكانى گ.ا.مۋرساليموۆا تانىمال كينوتانۋشى باۋىرجان نوگەربەكوۆتىڭ شاكىرتى.

ءبىرىنشى ورتالىق ازيا دەرەكتى كينو فورۋمىنىڭ وتۋىنە مۇرىندىق بولعان ستسەناريست،  رەجيسسەر- دوكۋمەنتاليست، قازۇوا دوتسەنتى اسيا بايگوجينا.  وعان قاتىسۋشىلار ورتاازيا ايماعىنىڭ بەلگىلى  دوكۋمەنتاليستتەرى: كسرو مەملەكتتىك سىيلىعىنىڭ لاۋرەاتى، رەجيسسەر  شۋحرات ماحمۋدوۆ، وزبەكستاندىق ستسەناريست جانە كينوتانۋشى  رازيكا مەرگەنباەۆا، كينوتانۋشى، حكف ارت-ديرەكتورى، فيلوسوفيا عىلىمدارىنىڭ دوكتورى سادۋللو راحيموۆ، تاجىكستاننان رەجيسسەر جانە پروديۋسەر، حكف لاۋرەاتى  ورزۋمۋرود شاريپوۆ، كينوتانۋشى، نەتپاك پەن فيپرەسسي ادىلقازىلار مۇشەسى گۋلبارا تولومۋشوۆا، قىرعىزستاننان جاس دوكۋمەنتاليستتەردىڭ كوشباسشىسى جانىشبەك داداباەۆ، سول سياقتى ارىپتەستىك وقۋ ورىندارى –  «تۋران» جانە قازاق ۇلتتىق ونەر ۋنيۆەرسيتەتتتەرى - ەلىمىزدىڭ ەڭ اتاقتى دوكۋمەنتاليست رەجيسسەرى ۆلاديمير تيۋلكين،  سۋلەەۆتەر-رايباەۆتار كينوديناستياسىنىڭ جالعاسى، رەجيسسەر انۋار رايباەۆ، كينوتانۋشى، قازاقستاننىڭ دەرەكتى كينوسى تۋرالى ديسسەرتاتسيانىڭ اۆتورى الەكساندرا لۋمپوۆا، جاس جانە جەمىستى رەجيسسەر ەۆگەني لۋمپوۆ.

فورۋمعا ىرىكتەلىپ الىنعان فيلمدەر ءبىزدىڭ ازيا كينوسىنىڭ بۇگىنگى باعىتى. بۇگىنگى مەن بولاشاقتى جالعاستىراتىن كوپتەگەن ۇزىكتەردەن قۇرالعان پورترەت.  «ءوز تاريحىڭدى بارشا قىرىمەن ءارى سونشاما جەتىستىگىمەن ۇعىنۋ ءارى قابىلداۋ» - ن.ءا.نازارباەۆتىڭ «ۇلى دالانىڭ جەتى قىرى» ماقالاسىنان الىنعان ءۇزىندى شىنىمەن دە  دوكۋمەنتاليستەر جۇمىسىنىڭ دەۆيزى بولسا كەرەك.


ەلميرا  سۇلتانباەۆا،

ت.جۇرگەنوۆ اتىنداعى قازاق ۇلتتىق ونەر

اكادەمياسى ءباسپاسوز قىزمەتىنىڭ جەتەكشىسى

پىكىرلەر
رەداكتسيا تاڭداۋى