Áleýmettik jelide jeti jylandy ýysynda ustap, jipshe ıirgen qazaq balasynyń vıdeosy tarap jatyr. Júreginiń túgi bar bala kelesheginiń kemel bolatynyn, kúni erteń halqynyń arqasúıerine aınalatynyn uǵyndyrǵandaı. Aınaladaǵy tal bitkenniń japyraǵyna qarap merzimniń "jylandy jaz" ekenin baıqaýǵa bolady. Bul jaıly "Adyrna" ulttyq portaly habarlaıdy.
Qolynda ıretilgen jeti jylany bar bala toǵan boıyna otyra ketedi. Dostarymen bolǵan áńgimesinde "jylan aýlap", qyzyq qýyp júrgenin ańǵartady.
- Ákemniń balasymyn. Batyrhannyń balasymyn. Jeti jylanym bar. Olar adamdy shaqpaıdy, - dep dostaryna jaýap beredi júreginiń túbi bar bala batyr.
Vıdeodaǵy sarybas jylandardyń ıretilgenine úrke qarap, balanyń kózsiz erligine tańdanyp jatqandar óte kóp.
"Denem túrshigip ketti. Júreginiń túgi bar bir ór minezdi eken myna bala",
"Negizi myqty bala eken. Óskende keremet adam bolady","Sary jylandar ǵoı, bular shaqpaıdy. Bala kúnimizde sómkege salyp, mektepke aparyp, qyzdardy qyrǵyn qylýshy edik"
"Janym,.. Qasıeti bar bala bolyp tur ǵoı. Júregi elim dep soqsyn er azamat bolsyn!"Bul jylan emes, kesirtke tuqymdas, bizde órip júredi, biraq susty""Bul jylan emes, jylanǵa uqsaıtyn kesirtke. Denesi jylannan qaraǵanda qyttylaý, túsi qyzǵylt sary bolyp keledi. Zoologııa páni boıynsha praktıkalyq sabaqta birnesheýin kesip zertteý jumystaryn júrgizgenbiz.
"Shaqpaıdy eken dep júrip bir kúni ýly jylanǵa tap bolsa qaıtedi? Qaýypti oıyn ǵoı bul, balanyń áke-sheshesine eskertý kerek" dep jazdy oqyrmandar.
