جاركەنتتەگى اكىمنىڭ رەزيدەنتسياسى بالالار ورتالىعىنا اينالدى

1964
Adyrna.kz Telegram
فوتو: قازاقپارات
فوتو: قازاقپارات

جاركەنت قالاسىندا ورنالاسقان وبلىس اكىمىنىڭ بۇرىنعى رەزيدەنتسياسى بالالاردى وڭالتۋ ورتالىعى بولىپ قايتا قۇرىلدى. بۇل تۋرالى جەتىسۋ وبلىسىنىڭ اكىمدىگى مالىمدەدى، دەپ حابارلايدى “ادىرنا” ۇلتتىق پورتالى.

“وسى جىلدىڭ ناۋرىز ايىندا وبلىستىڭ بۇرىنعى اكىمى قانات بوزىمباەۆ جاركەنت قالاسىنداعى رەزيدەنتسيانى بالالاردىڭ قاجەتتىلىكتەرىنە پايدالانۋدى تاپسىردى. عيماراتتى قايتا جوندەۋگە 80 ملن تەڭگە جۇمسالدى. ءبىر قاباتتى عيماراتتىڭ كولەمى – 910 شارشى مەتر. ول 1 گەكتار جەر ۋچاسكەسىندە ورنالاسقان. ەندى جاڭا وڭالتۋ ورتالىعى مونتەسورري، سەنسورلىق، فيزيوتەراپيا، ەمدىك دەنە شىنىقتىرۋ، دەفەكتولوگ جانە لوگوپەد، گيدروماسساج جانە ماسساج، ەمشارا كابينەتتەرىمەن، اكت زالىمەن جانە ەڭبەككە وقىتۋ بولمەسىمەن جاساقتالعان”، – دەلىنگەن حابارلامادا.

ورتالىقتى اشۋ وبلىستىڭ بۇرىنعى اكىمىنىڭ پانفيلوۆ اۋدانى تۇرعىندارىمەن كەزدەسۋىنەن كەيىن شەشىلگەن بولاتىن. سول كەزدە ول عيمارات پەن ۋچاسكەنى مۇگەدەكتىگى بار بالالاردىڭ ءومىرى مەن دەنساۋلىعى ءۇشىن كۇرەسۋگە كومەكتەسەتىن ماڭىزدى نىسانعا اينالدىرۋ كەرەكتىگىن ايتقان ەدى.

پىكىرلەر