قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ ءىرى قالالاردا ورناتىلعان بەينەباقىلاۋ كامەرالارىنىڭ وڭ اسەرىن تيگىزىپ تۇرعانىنا توقتالىپ، الىپ قالاداعى كامەرا سانىن ارتتىرۋعا تاپسىرما بەردى، دەپ حابارلايدى «ادىرنا» ءتىلشىسى.
مەملەكەت باسشىسى استانادا وتكەن سىبايلاس جەمقورلىقپەن كۇرەس ماسەلەلەرىنە ارنالعان كەڭەستە الماتىدا «سەرگەك» كامەرالارىنىڭ سانى ۇلعايتىلاتىنىن ايتقان بولاتىن.
مەملەكەت باسشىسى ءىرى قالالاردا ورناتىلعان بەينەباقىلاۋ كامەرالارىنىڭ وڭ اسەرىن تيگىزىپ تۇرعانىنا توقتالىپ، الىپ قالاداعى كامەرا سانىن ارتتىرۋعا تاپسىرما بەرگەن ەدى.
اتالعان پارمەن الماتى قالاسىندا جۇيەلى تۇردە ىسكە اسۋدا. بۇل تۋرالى شاھار باسشىسى ەربولات دوساەۆ المالى اۋدانىنىڭ تۇرعىندارىمەن وتكەن كەزدەسۋدە ايتتى.
«قوعامدىق قاۋىپسىزدىكتى قامتاماسىز ەتۋ ءۇشىن وسى جىلدىڭ سوڭىنا دەيىن ادام كوپ جينالاتىن ورىندارعا (118 كامەرا), اۋلالارعا (200 كامەرا) جانە كوشە قيىلىستارىنا (223 كامەرا) 541 بەينەكامەرا ورناتىلادى»، - دەدى قالا اكىمى.
ونىڭ ايتۋىنشا، قولدانىستاعى 947 كامەراعا ەسەپتەلگەن 177 "سەرگەك" اۆتوماتتاندىرىلعان-باعدارلامالىق كەشەنىنە قوسىمشا (44– جەلىلىك ۋچاسكەلەردە،133– كوشە قيىلىستارىندا) 400 كامەراعا ەسەپتەلگەن 38 "سەرگەك" اۆتوماتتاندىرىلعان-باعدارلامالىق كەشەنى (22– جەلىلىك ۋچاسكەلەردە،16- كوشە قيىلىستارىندا) ورناتىلادى.
«جالپى، بارلىق جۇمىستار اياقتالعاننان كەيىن المالى اۋدانىنداعى كامەرالاردىڭ جالپى سانىن 1 469 بىرلىككە دەيىن كوبەيتەمىز»، - دەدى الماتى قالاسىنىڭ اكىمى ەربولات دوساەۆ ءوز بايانداماسىندا.
