الماتى وبلىسى، رايىمبەك اۋدانى، قاراساز اۋىلىنا جولى تۇسكەن جيھانگەر جاس بالالاردىڭ دارىنىنا باس ءيدى. ولار كوشە بويىندا اۋىل قوناعى ەرنار المابەككە سالەم بەرىپ، توسىننان م. ماقاتاەۆ جىرلارىن وقي جونەلگەن. ولەڭ ولكەسى - قاراسازدىڭ "سەن تۇر، مەن اتايىن" دەيتىن "اقىلدى تەنتەكتەرى" جايىندا "ادىرنا" ۇلتتىق پورتالى جازدى.
ءوز تۋىندىسىنىڭ بەتاشارىن ۆيدەوينجەنەر ەرنار المابەك:
- مۇقاعالي ماقاتاەۆتىڭ اۋىلى قاراسازدامىن. بۇل اۋىلدىڭ بالالارى اقىننىڭ ولەڭدەرىن جاتقا بىلەدى دەيدى. سونى تەكسەرىپ كورەيىك، - دەپ باستايدى.
جولشىباي ۇشىراسقان بالالار اۋىل قوناعىنا "ەي، ءومىر", "وتان", "شىدا، شىدا", ء"ۇش باقىتىم", "شەشە، سەن باقىتتىسىڭ!" سىندى اقىن ولەڭدەرىن ناقىشىنا كەلتىرە وقىپ بەرىپ، كوڭىل سۇيسىندىرەدى.
View this post on Instagram
جەلى قولدانۋشىلارى جانى جىرعا اسىق اۋىل بالالارىنا تىلەكتەستىك تانىتىپ، جىلى لەبىز ءبىلدىردى. مۇقاعالي مۇراسىنا ادالدىق تانىتقان قازاقتىڭ كەلەشەگى جايىندا:
"ەنتىگىمدى باسىپ السام بولا ما"-دەيدى التىن ۇل. قالانىڭ بالاسى ەنتىگۋدىڭ نە ەكەنىن دە بىلمەيدى-اۋ", "تازا، تۇنىق كەرەمەت!", "بالالار اعىپ تۇر", ء"تىل-كوزدەن امان بولسىن!" دەپ جازدى وقىرماندار."ادىرنا" ۇلتتىق پورتالى