UQK eks-basshysy Kárim Másimovtiń atyshýly isine sheteldik jýrnalıster qyzyǵýshylyq tanytýda. 21 qazan kúni ýkraındyq tanymal ınternet-basylym qazaqstandyqtarǵa áli beımálim bolǵan istiń jaı-japsaryn ashqan maqala jarııalady, dep habarlaıdy “Adyrna” ulttyq portaly.
Maqala avtorlary Qazaqstannyń tuńǵysh prezıdenti Nursultan Nazarbaev árdaıym Másimovtiń artynda turǵanyn jáne “Qańtar oqıǵasyna” Másimov tikeleı qatysty ekenin jazǵan.
“Qazaqstandaǵy bıylǵy jyldyń basty oqıǵasy – Ulttyq qaýipsizdik komıtetiniń jergilikti arnaıy qyzmetiniń burynǵy basshysy Kárim Másimov uıymdastyrdy dep aıyptalǵan memlekettik tóńkeris áreketi óziniń qısyndy qorytyndysyna kele jatqandaı.
Bılik Másimov pen onyń sybaılastary memleketke opasyzdyq jasaǵany týraly istiń sotqa túsýi týraly jańalyqtardy qyzý talqylap jatyr.
Bul istiń qupııalyǵyna qaramastan, aqparat alańynda qańtardaǵy tóńkeristiń negizgi jáne túpkilikti paıda alýshysy zeınetker Nursultan Nazarbaev bolǵanyn jáne sol bolyp qala beretinin, al onyń jaqyn serikteri benefııarlar bolyp tabylatynyn kórsetetin aqparat birte-birte «aǵylyp» jatyr”,- dep jazdy basylym.
Sondaı-aq, basylym Másimovtiń tergeý ızolıatorynda onyń otbasy músheleri men jaqyn ortasynyń “Qańtar oqıǵasyn” uıymdastyrýdaǵy róli týraly aıtqanyn jarııalady.
“Insaıderlik aqparatqa sáıkes, tergeý barysynda Másimov bılikti basyp alý josparynyń egjeı-tegjeıleri men árqaısysynyń róli týraly kýálik bergen.
Sonymen, proestiń basty ıntrıgasy – Másimov pen onyń sybaılastary. Bálkim, jaqyn arada tóńkeris senarııiniń basqa da qatysýshylarynyń esimderi belgili bolar… Munyń barlyǵy Nazarbaevtyń múddesi men kóleńkeli baqylaýynda. Bul epıkalyq oqıǵanyń keıipkerleri Nazarbaevtyń ortanshy kúıeý balasy Tımýr Qulybaev, onyń qyzdary Darıǵa men Álııa Nazarbaev, Parlament Májilisiniń spıkeri Nurlan Nyǵmatýllın jáne onyń otbasy, taǵy da basqalary bolýy múmkin.
Aqparattarǵa sáıkes, Másimov batys ısteblıshmentiniń tanymal ókilderiniń «taqqa otyrý» strategııasyn ázirleýge mıllıondaǵan dollar jumsaǵan. Masondyq iz bolǵan degen qaýeset bar”,- dep jazdy ýkraındyq basylym.
Tipti, bul maqalanyń jalǵasy bolatynyn da jasyrmady.
”Adyrna” ulttyq portaly
