قر توتەنشە جاعدايلار مينيسترلىگى ونەركاسىپتىك قاۋىپسىزدىك كوميتەتى «ارسەلورميتتال تەمىرتاۋ» اكتسيونەرلىك قوعامىنىڭ كومىر دەپارتامەنتىنىڭ «تەنتەك» شاحتاسىنداعى قاۋىپتى وندىرىستىك وبەكتىلەر مەن قاۋىپتى تەحنيكالىق قۇرىلعىلارعا تەكسەرۋ جۇرگىزدى، دەپ جازادى "ادىرنا" ۇلتتىق پورتالى.
كاسىپورىننىڭ نەگىزگى قىزمەتى جەراستى تاسىلىمەن كومىر ءوندىرۋ بولىپ تابىلادى.
تەكسەرۋ بارىسىندا 305 وبەكتى تەكسەرىلىپ، بۇل رەتتە ونەركاسىپتىك قاۋىپسىزدىك سالاسىنداعى زاڭناما تالاپتارىنىڭ 151 بۇزۋشىلىعى انىقتالدى. مەملەكەتتىك ينسپەكتورلارمەن انىقتالعان بۇزۋشىلىقتاردى جويۋ تۋرالى نۇسقاما بەرىلدى جانە «اكىمشىلىك قۇقىق بۇزۋشىلىق تۋرالى» قر كودەكسىنىڭ 298-بابى 1-بولىگى بويىنشا ايىپپۇل تۇرىندە اكىمشىلىك جازا قولدانىلدى.
ونەركاسىپتىك قاۋىپسىزدىك تالاپتارىنىڭ نەگىزگى بۇزۋشىلىقتارى:
- نورماتيۆتىك قىزمەت مەرزىمىن وتەگەن تەحنيكالىق قۇرىلعىلارعا، ولاردى ودان ءارى قاۋىپسىز پايدالانۋدىڭ ىقتيمال مەرزىمىن انىقتاۋ ءۇشىن ساراپتاما جۇرگىزىلمەگەندىگى;
- وندىرىستىك عيماراتتاردى، تەحنولوگيالىق قۇرىلىستاردى تەكسەرۋ جانە دياگنوستيكالاۋ جۇرگىزىلمەگەندىگى;
- شاحتادا اۋانىڭ رۇقسات ەتىلگەن جىلدامدىعىنان اساتىن قازبالار پايدالانۋدا بولۋى;
- قازبالاردى بۇزۋ جانە قايتا بەكىتۋ بولىگىندە جەلدەتۋدى جاقسارتۋ بويىنشا ءىس-شارالار ورىندالماۋى جانە باسقالارى بولىپ تابىلادى.
ادامنىڭ ءومىرى مەن دەنساۋلىعىنا، قورشاعان ورتاعا قاۋىپ توندىرەتىن بۇزۋشىلىقتار بويىنشا قاراعاندى وبلىسى بويىنشا مامانداندىرىلعان اۋدانارالىق ەكونوميكالىق سوتقا تەحنولوگيالىق كەشەننىڭ ۆ1400 جولاقتى كونۆەيەرىن توقتاتا تۇرۋ تۋرالى تالاپ ارىز جىبەرۋ تۇرىندە جەدەل دەن قويۋ شارالارى قابىلداندى، كەمشىلىكتەرى: اۆاريالىق (8 دانا) جانە اۆارياعا دەيىنگى (45 دانا) پليتالارىن بولشەكتەۋ جۇرگىزىلمەگەن، سونداي-اق ولاردى جاڭا ءمونوليتتى تەمىر/بەتون قاباتىمەن اۋىستىرىلماگان; ف-1, ف-2, ف-3, ف-4 فەرمالارىنىڭ قاباتتاسۋى دانەكەرلەۋدىڭ كوپتەگەن بۇزىلۋلارىنا، پۋرليندەر مەن بايلانىستىرۋشى بۇرىشتاردىڭ بەتكى كورروزياسىنىڭ بولۋى; قۇراما تەمىربەتون جابىنى ءمونوليتتى تەمىربەتون جابىنىمەن اۋىستىرىلماعان; گالەرەيا تىرەكتەرىندە قۇرىلىمدىق ەلەمەنتتەردىڭ دانەكەرلەنگەن جىكتەرى ۇزىلگەن.
تەكسەرۋ قورىتىندىسى بويىنشا كاسىپورىن وكىلدەرىمەن كەڭەس وتكىزىلدى، وندا تەكسەرۋ بارىسىندا انىقتالعان بۇزۋشىلىقتار قارالدى، ولاردى جويۋ مەرزىمدەرى تالقىلاندى، سونداي-اق قازاقستان رەسپۋبليكاسىنىڭ ونەركاسىپتىك قاۋىپسىزدىك سالاسىنداعى زاڭناماسىنىڭ، ونىڭ ىشىندە: «كومىر شاحتالارىنىڭ قاۋىپتى وندىرىستىك وبەكتىلەرى ءۇشىن ونەركاسىپتىك قاۋىپسىزدىكتى قامتاماسىز ەتۋ قاعيدالارىنىڭ»، «جۇك كوتەرگىش مەحانيزمدەردى پايدالانۋ كەزىندە ونەركاسىپتىك قاۋىپسىزدىكتى قامتاماسىز ەتۋ قاعيدالارىنىڭ» جانە «قىسىممەن جۇمىس ىستەيتىن جابدىقتاردى پايدالانۋ كەزىندە ونەركاسىپتىك قاۋىپسىزدىكتى قامتاماسىز ەتۋ قاعيدالارىنىڭ» تالاپتارى ءتۇسىندىرىلدى.
"ادىرنا" ۇلتتىق پورتالى
