قاڭتار وقيعاسىندا كولىگى بۇلىنگەن الماتىلىقتارعا وتەماقى تولەندى

2930
Adyrna.kz Telegram

الماتى اكىمدىگى  قاڭتار وقيعاسى كەزىندە بۇلىنگەن اۆتوكولىك يەلەرىنە 567 ملن تەڭگە تولەدى. بۇل تۋرالى اكىمدىكتىڭ ءباسپاسوز قىزمەتى حابارلادى، دەپ جازدى «ادىرنا» ءتىلشىسى.

 مەملەكەت باسشىسى قاسىم-جومارت توقاەۆتىڭ تاپسىرماسى بويىنشا شاعىن جانە ورتا بيزنەسكە كەلتىرىلگەن زالالدى وتەۋ بويىنشا عانا ەمەس، سونداي-اق قاڭتار وقيعالارى بارىسىندا اۆتوكولىكتەرى بۇلىنگەن نەمەسە جويىلعان الماتى قالاسىنىڭ تۇرعىندارىنا دا قاتىستى جۇمىس ءجۇرىپ جاتىر، دەپ حابارلايدى «ادىرنا» ءتىلشىسى.

"قازىرگى ۋاقىتتا الماتى قالاسى اۋداندارىنىڭ اكىمدىكتەرىنە اۆتوكولىك يەلەرىنەن كەلتىرىلگەن زالالدى وتەۋ تۋرالى 143 ءوتىنىم كەلىپ ءتۇستى. جەكە تۇلعالارعا كەلتىرىلگەن زالالدى وتەۋ تەتىگىنە سايكەس (ۇكىمەتتىڭ 2013 جىلعى 28 تامىزداعى № 877 قاۋلىسىمەن بەكىتىلگەن تەرروريزم اكتىسى ناتيجەسىندە جەكە جانە زاڭدى تۇلعالارعا كەلتىرىلگەن مۇلىكتىك زياندى وتەۋ ەرەجەلەرىنە سايكەس) جالپى سوماسى 566,7 ملن تەڭگەگە بارلىق 143 وتىنىمگە قولداۋ كورسەتىلدى"-دەلىنگەن حابارلامادا.

وتىنىشتەردى اۋدان اكىمدىكتەرى كەلىپ تۇسكەن كۇننەن باستاپ 1 اي ىشىندە قارايدى. مۇلىككە كەلتىرىلگەن زالالدى باعالاۋ ءوتىنىش تىركەلگەن كۇننەن باستاپ 7 كۇن مەرزىمدە بەلگىلەنەدى جانە ونى زارداپ شەككەندەر تاڭداعان تاۋەلسىز ساراپشىلار جۇرگىزەدى. شىعىستار بويىنشا باعالاۋدى جۇرگىزۋ مەملەكەتتىك ورگاندار اتىنان اۋدان اكىمدىكتەرىنە جۇكتەلگەن.

پىكىرلەر