Almaty äkımdıgı qaŋtar oqiǧasy kezınde bülıngen avtokölık ielerıne 567 mln teŋge töledı. Būl turaly äkımdıktıŋ baspasöz qyzmetı habarlady, dep jazdy «Adyrna» tılşısı.
Memleket basşysy Qasym-Jomart Toqaevtyŋ tapsyrmasy boiynşa şaǧyn jäne orta bizneske keltırılgen zalaldy öteu boiynşa ǧana emes, sondai-aq qaŋtar oqiǧalary barysynda avtokölıkterı bülıngen nemese joiylǧan Almaty qalasynyŋ tūrǧyndaryna da qatysty jūmys jürıp jatyr, dep habarlaidy «Adyrna» tılşısı.
"Qazırgı uaqytta Almaty qalasy audandarynyŋ äkımdıkterıne avtokölık ielerınen keltırılgen zalaldy öteu turaly 143 ötınım kelıp tüstı. Jeke tūlǧalarǧa keltırılgen zalaldy öteu tetıgıne säikes (Ükımettıŋ 2013 jylǧy 28 tamyzdaǧy № 877 qaulysymen bekıtılgen terrorizm aktısı nätijesınde jeke jäne zaŋdy tūlǧalarǧa keltırılgen mülıktık ziiandy öteu Erejelerıne säikes) jalpy somasy 566,7 mln teŋgege barlyq 143 ötınımge qoldau körsetıldı"-delıngen habarlamada.Ötınışterdı audan äkımdıkterı kelıp tüsken künnen bastap 1 ai ışınde qaraidy. Mülıkke keltırılgen zalaldy baǧalau ötınış tırkelgen künnen bastap 7 kün merzımde belgılenedı jäne ony zardap şekkender taŋdaǧan täuelsız sarapşylar jürgızedı. Şyǧystar boiynşa baǧalaudy jürgızu memlekettık organdar atynan audan äkımdıkterıne jüktelgen.
Ūqsas jaŋalyqtar
