Almaty ákimdigi qańtar oqıǵasy kezinde búlingen avtokólik ıelerine 567 mln teńge tóledi. Bul týraly ákimdiktiń baspasóz qyzmeti habarlady, dep jazdy «Adyrna» tilshisi.
Memleket basshysy Qasym-Jomart Toqaevtyń tapsyrmasy boıynsha shaǵyn jáne orta bızneske keltirilgen zalaldy óteý boıynsha ǵana emes, sondaı-aq qańtar oqıǵalary barysynda avtokólikteri búlingen nemese joıylǵan Almaty qalasynyń turǵyndaryna da qatysty jumys júrip jatyr, dep habarlaıdy «Adyrna» tilshisi.
"Qazirgi ýaqytta Almaty qalasy aýdandarynyń ákimdikterine avtokólik ıelerinen keltirilgen zalaldy óteý týraly 143 ótinim kelip tústi. Jeke tulǵalarǵa keltirilgen zalaldy óteý tetigine sáıkes (Úkimettiń 2013 jylǵy 28 tamyzdaǵy № 877 qaýlysymen bekitilgen terrorızm aktisi nátıjesinde jeke jáne zańdy tulǵalarǵa keltirilgen múliktik zııandy óteý Erejelerine sáıkes) jalpy somasy 566,7 mln teńgege barlyq 143 ótinimge qoldaý kórsetildi"-delingen habarlamada.
Ótinishterdi aýdan ákimdikteri kelip túsken kúnnen bastap 1 aı ishinde qaraıdy. Múlikke keltirilgen zalaldy baǵalaý ótinish tirkelgen kúnnen bastap 7 kún merzimde belgilenedi jáne ony zardap shekkender tańdaǵan táýelsiz sarapshylar júrgizedi. Shyǵystar boıynsha baǵalaýdy júrgizý memlekettik organdar atynan aýdan ákimdikterine júktelgen.
