26 qazanǵa qaraǵan kúni Túrkistan oblysynda nóser jaýyn jaýyp, Saryaǵash, Báıdibek jáne Qazyǵurt aýdandarynda birneshe turǵyn úıdiń aýlasyn sý aldy. Jaýyn sýyna 2 jasar bala tunshyǵyp ólgen, dep habarlaıdy “Adyrna” ulttyq portaly.
Orca.kz saıtynyń málimetinshe, oblystyq tótenshe jaǵdaılar departamenti tótenshe jaǵdaılardy joıý basqarmasynyń bastyǵy Talǵat Dosálıevtiń jaýyn túnimen jaýǵanyn habarlaǵan. Úsh aýdanda turǵyn úı aýlalaryn sý alǵan.
“Saryaǵash aýdanynda eki mal qoraǵa sý kirip, onnan asa mal sýǵa tunshyǵyp ólgen. Qazyǵurt aýdanynda bir qora qulady. Osy aýdandaǵy turǵyn úı aýlasyndaǵy qazylǵan shuńqyrǵa jaýyn sýy jınalyp, oǵan 2 jasar bala túsip, tunshyǵyp qaıtys boldy”, – deıdi basqarma basshysy.
Jaýyn áli jaýyp tur. Tótenshelikter jumysyn jalǵastyryp jatyr.
