رەسپۋبليكا كۇنى قارساڭىندا قازاقستاندا جاڭا راديو ءوز جۇمىسىن باستادى. وندا تەك قازىرگى زامانعى قازاق مۋزىكاسى قوسىلىپ تۇراتىن بولادى. ستانتسيا ((beu)) استانادا – 100 FM جانە الماتىدا 97.7 جيىلىكتە حابار تاراتادى.
ەفيردە Q-پوپ، يندي جانە R ' n ' B-دەن باستاپ ەكسپەريمەنتالدى مۋزىكاعا دەيىن، ياعني، ارتىستەردىڭ جاڭا بۋىنى جۇمىس ىستەيتىن جانرلار كوپ بولادى.
جوبانىڭ باستى يدەياسى ((beu)) – جاس مۋزىكالىق قوعامداستىقتى قولداۋ، دامىتۋ جانە كورەرمەندەرگە قازاقستاندىق ساحنانىڭ وسكەنىن كورسەتۋ. راديودادا بەرىلەتىن اندەر، پودكاستتار مەن شوۋلاردىڭ 90 پايىزى قازاق تىلىندە بولادى. ويتكەنى، سوڭعى جىلدارى مەملەكەتتىك تىلدە جوعارى ساپالى تانىمال مۋزىكانى جاسايتىن مۋزىكانتتاردىڭ سانى كوبەيدى. ال ولاردىڭ اۋديتورياسى كۇن ساناپ ارتىپ كەلەدى، وعان دالەل - ەلىمىزدە ءوتىپ جاتقان كوپتەگەن كونتسەرتتەر مەن فەستيۆالدەردىڭ دە سانىنىڭ ارتۋى.
ەستەرىڭىزگە سالا كەتەيىك، ((beu)) - تاڭدانۋدىڭ ەموتسيونالدى بەلگىسى. جاقشالار راديو تولقىندارىنىڭ تارالۋىن بىلدىرەدى. راديو تۇجىرىمداماسى تۋرالى تولىعىراق اقپارات 27 قىركۇيەكتە Astana Media Week اياسىندا ۇسىنىلادى. رەسمي تۇساۋكەسەر الماتىدا 3 قاراشاعا جوسپارلانعان.
"ادىرنا" ۇلتتىق پورتالى
