Mäjılıs deputaty Edıl Jaŋbyrşin Chocofamily Holding basşysy Ramil Muhoriapovtyŋ üstınen qylmystyq ıs qozǧaudy talap ettı. Būl turaly ol Facebook paraqşasynda jazdy, dep habarlaidy “Adyrna” ūlttyq portaly.
"Muhoriapov degen bıreu memlekettık tılde, iaǧni qazaq tılınde jauap berudı mädenietsızdıkke jatqyzypty. Būl – Qazaqstan Respublikasynyŋ Konstitusiiasyn moiyndamau jäne qazaq halqynyŋ ar-namysyna tiiu! Sondyqtan el arasynda alauyzdyq tuǧyzyp, qazaqtardyŋ ar-namysyn taptaǧany üşın Bas Prokuratura onyŋ üstınen qylmystyq ıs qozǧauy kerek! Mäjılıs deputaty retınde osyny talap etemın. Şydamnyŋda şegı bar, endı tek būlardyŋ basymyzǧa otyruy qaldy!", - dep jazdy ol.
Eske salaiyq, äleumettık jelıde Chocolife kompaniiasynyŋ direktory Ramil Muhoriapovtyŋ reseilıktermen kezdesude aitqan sözı qyzu talqyǧa tüstı. Kezdesu barysynda kompaniia basşysy şeteldıkterge qazaq tılınde jauap beru “mädeniettıŋ körınısı emes” ekenın aitqan bolatyn. Keiın basy dauǧa qalǧan käsıpker qazaqstandyqtardan keşırım sūrady.
