ريم پاپاسى فرانتسيسك قازىرگى ناقتى جاعدايدا يادرولىق قارۋ جاساۋ «ويعا كەلمەيتىن ءىس» ەكەنىن ايتتى. بۇل تۋرالى ول ءوزىنىڭ «مەن سىزدەن جاراتقان يەنىڭ اتىمەن سۇرايمىن. بولاشاقتان ءۇمىت كۇتۋ ءۇشىن ون دۇعا» اتتى كىتابىندا جازعان، دەپ حابارلايدى “ادىرنا” ۇلتتىق پورتالى.
ريم پاپاسىنىڭ كىتابى18 قازاندا جارىققا شىعادى دەپ جوسپارلانعان. كىتاپتىڭ فراگمەنتتەرى La Stampa گازەتىندە جارىق كوردى.
«يادرولىق قارۋسىز الەم قۇرۋ، ەگەر بىزدە ەرىك-جىگەر مەن قۇرالداردى قولدانىپ جانە بۇل قارۋدىڭ ادامزاتتىڭ امان قالۋىنا قاۋىپ توندىرەتىنىن ەسكەرسەك – بۇل قاجەت ەمەس. يادرولىق قارۋعا يە بولۋ ازعىندىق»، دەپ اتاپ كورسەتتى ريم پاپاسى كىتابىندا.
كىتاپتا فرانتسيسك مەملەكەت باسشىلارىنا «قارۋ ءوندىرىسى مەن حالىقارالىق ساۋداسىن توقتاتۋعا» ۇندەۋ جاسايدى.
«جاھاندىق اسكەري شىعىندار – قازىرگى زامانداعى ەڭ اۋىر مورالدىق جانجالداردىڭ ءبىرى. سوعىس كەزىندە ميلليونداعان ادامدار بارىنان ايىرىلادى. قازىرگى زامانعى كوپتەگەن سوعىستار قارۋ-جاراقتى جەتىلدىرۋ ءۇشىن جۇرگىزىلىپ جاتىر دەپ كۇدىكتەنۋ ءتىپتى قىنجىلتادى. بۇل ءارى قارايورىن الۋى مۇمكىن ەمەس»،- دەپ جازادى ول.
