قاسىم-جومارت توقاەۆ اوسشك ءسامميتى اياسىندا پالەستينا پرەزيدەنتى ماحمۋد ابباسپەن كەزدەستى، دەپ حابارلايدى «ادىرنا» ءتىلشىسى اقورداعا سىلتەمە جاساپ.
پرەزيدەنتتەر قازاقستان مەن پالەستينا اراسىنداعى ءوزارا ءىس-ارەكەتتى دامىتۋ پەرسپەكتيۆالارىن قاراستىرىپ، قازىرگى زاماننىڭ وزەكتى سىن-قاتەرلەرى مەن ۇردىستەرى تۋرالى پىكىر الماستى.
مەملەكەت باسشىسى ەكىجاقتى بايلانىستاردى ودان ءارى دامىتۋعا نيەتتى ەكەنىن جەتكىزدى.
ءوز كەزەگىندە ماحمۋد ابباس قاسىم-جومارت توقاەۆقا جىلى قابىلداعانى جانە ءسامميتتى جوعارى دەڭگەيدە ۇيىمداستىرعانى ءۇشىن العىسىن ءبىلدىردى. پالەستينا پرەزيدەنتى سامميتتە قابىلداناتىن شەشىمدەر مەن قول قويىلاتىن قۇجاتتار ءوزارا ىنتىماقتاستىقتى تەرەڭدەتۋگە ىقپال ەتەتىنىنە سەنىمدى.
